Torti

Apo itu torti?

Namo Torti barasa dari bunyi alaik panokok nan digunoan yaitu palapah pisang yang di tokokan ka arah kaki lawan, "tort" dan mandapekan akhiran "i", Torti biasonyo dimainan di malam hari dek anak laki-laki di lapangan nan lueh atau halam rumah.

aturan bamain

Dalam pamainan iko biaso dimainan jo babarapo anggota atau kalompok harus bajumlah ganjia bantuak tigo urang, limo urang atau tujuah urang anggota dalam ciek kalompok tu. Pamainan diawali jo panantuan tampek pos baranti yang barupo pohon gadang. Pohon gadang atau pos iko digunoan untuak tampek manjago sambia manutuik matonyo manunggu kalompok nan bajalan manyuruak. Tak hanyo itu pos iko pulo nan dijadian tampek baranti dek kalompok yang bajalan sasudah nyo manyuruak. satalah ditantuan anggota kalompok dan mangundi kalompok yang manjago mako pamainan bisa dimulai.

caro bamain

Caro bamain atau mamulainyo yoitu, kalompok nan sudah diundi jo dapek bagian untuak manjago pos sambia manutuik mato tu diawasi jo wasit yang alah ditunjuak tu sambia mamakiak "alah alun?" Namun jikok kalompok yang bajalan manyauik "Tort..Ti!", artinyo sadoalahnyo alah manyuruak dan siap untuak dicari jo nan batutuik mato tadi bisa mambukak matonyo untuak bakuliliang mancarinyo. jikok bisa manyarobokan mako anggota kalompok tasabuik akan di tokok jo panokok dari palapah pisang pado bagian lutuik kakinyo. Siapo nan kanai tokok mako bakurang pointnyoo dan nan bisa lari ka pos jago bisa mailakan ditokok jo manyuruak baliak atau terhindar dari pukulan si panjago brartinyo terbebas baliak. kalompok nan bisa mailakan kanai tokok jo palapah pisang brartinyo dapek satu poin dan dinyatoan sabagai pamanang.