Rigi ba Ana'a

Di suatu desa ado duo urang nan basaudara, inyo ado rencana untuak marantau. Inyopun mangecek baa cari pai ka lua pulau inyo tu, akhianyo inyo manumpang ka kapa rute dari sabuah pulau atau kampuang ka subarang. Kapa di bahaso Nieh disabuik Owo/Nowo (ukurannyo labiah gadang dari sampan). Katiko inyo di jalan jo posisi nan alah di tangah lauik nan lueh, tibo-tibo datang angin badai nan gawat, nan mambuek kapa inyo tu indak bisa dikandalikan lai, nan maakibaikkan kapa inyo mahantam karang dakek pulau ketek. Sadolah panumpang kapa tu tabanam ndak bisa disalamaikan, tapi ado duo urang nan basaudara salamaik karano pandai baranang. Tanago alah takureh, jo inyo sampai di pantai jo salamaik. Yang paliang gadang banamo Osama mangecek ka adiaknyo nan banamo Ali: "Hoi, Ali. Di kadaan nan mandasak ko mo lah kito basyukua, karano kito alah bisa sampai di pantai ko." Masih ngos-ngosan, adiaknyo si Ali manuruik sajo. Dan Osama maajka inyo untuak basyukua ka Tuhan, inyo sapakaik untuak manggarik mancari siapo tau ado panghuni di pulau ko. Alah mulai panek inyo bajalan, tapi indak saurangpun nan basobok jo inyo. Sasakali suaro nan mahiasi jalan inyo, saakan sahuik-sahuikan nan hampehan aia lauik nan sasakali mamacah kahaniangan jo mahantam karang-karang dakek pantai. Haripun alah malam, jo indak ado piliahan untuak capek istirahat, karano apobilo inyo manruihan pajalanan, jugo indak ado jaminan atau harapan ka basobok jo sio-sio. Malam tu inyo baalehkan bumi jo baatok langik.

Karano pajalanan nan mamanekan bana, rasonyo samalaman inyo indak bisa mambedaan sadang lalok di tanah atau di rumah. Inyo masuak dalam kahaniangan malam hinggo pagi bisuaknyo inyopun jago. Osama jago labiah awal, jo inyo manjagoan adiaknyo, sambia mangecek ka Ali adiaknyo, "Ali, pek lah kito ka pantai, siapo tau ado kapa nan lewat. Tapi inyo mandakek kapa nan karam patangnyo untuak mamastian apokah barang-barang inyo masih ado atau indak. Jo sungguah mangajuikan inyo, ado babarapo barang nan masih nyangkuik antaro lain: ciek peti kayu, ciek pariuak dari tulang, ciek peti kue, ciek guluang kain layar jo kayu kapa. Jo inyo sangaik sanang mandapekan barang-barang tasabuik artinyo bisa batahan hiduik. Jo karajo samo nan elok kakak baradiak tu, Osama jo Ali mambantangan kain layar kapal tu, inyo jadian atok pondok darurat tampek inyo bataduah. Jo di pondok itu sadolah barang-barang tu inyo simpan.

Si Ali bagageh mancubo manbuka peti kayu tu, jo tarnyato isinyo adolah pakaian kayu jo babarapo alaik, jo jugo ado saikaik nan barisi ameh, sapuluah ribu kalau dipitihan di rupiah pado maso tu. Jo di ikekan ameh tasabuik ado tulisan kayak ko:" Kho Duo Edua wa Zono, banua Negafatana." Artinyo tulisan tasabuik adolah namo saurang nan banamo Dua Edua wa Zono nan barasa dari kampuang Negafatana. Jo baitu partamo sakali si Ali maliek ikaikan ameh tu jo inyo sangaik sanang jo maagiah tau samo akaknyo basonho inyo alah punyo ameh. Tapi, si Osama indak baitu mananggapi kato adiaknyo, malah inyo manjalehan ka adiaknyo kalau nan punyo ameh tu adolah kakek Dua Edua wa Zonon, jiko beko kito bisa pulang ka kampuang mako itu bisa baguno tapi katiko kito batahan di pulau ko jo indak bisa pulang, apolah arati ameh tu, ameh indak bisa dibalanjoan jo dimakan, habis tu kakaknyo mancaliakan sakaruang jo nyo sabuik samo adiaknyo kalau isi karuang nan dipaciknyo tu jauah labiah baguno dek inyo dibandiang ameh. Jo Osama kakaknyo, mancaliakan isi karuang tu adolah jaguang. Jo kakaknyo maajak adiaknyo untuak mananam jaguang tu di sakita pondok dimano inyo indak mati kalaparan. Jo wakatu itu, si Ali adiaknyo patuik turuik jo akaknyo jo akhianyo inyopun mananam jaguang. Katiko makanan lain alah mulai abih, jo jaguang nan inyo tanam, ndak taraso jugo alah mulai bisa panen, inyo pun maambiaknyo jo mambaka untuak makanan, jo kiro-kiro satahun labiah inyo hanyo makan jaguang siang jo malam. Jo sasakali jugo inyo barupayo mamancaiang lauak sadapeknyo. Jo satalah satahun, tibo-tibo adolah kapa nan lewat dakek pulau dimano inyo tadampa, inyopun ikuik jp sapakaik balabuah di kampuang Negafatana. Baitu inyo sampai di daerah tasabuik jo inyo bajuang untuak mancari kabadaradoan kakek Dua Edua wa Zono pamiliak pati ameh dari kapa nan tadampa satahun nan lalu. Baitu sobok jo inyo mamareso pati tu jo sadolah ee utuah, bahkan surek didalamnyo jo lataknyo indak ado parubahan samo sakali. Jo si Dua Edua wa Zono, langsuang mangatoan ka kadua adial baradiak tu, kalau inyo adolah urang-urang nan elok jo jujur. Jo izinkan awak maagiah upah bakarajo di siko, tigo ratuih rupiah masiang-masiang kalian pabulan, lanjuiknyo ka si Osama jo Ali, karajonyo sangaik sadarhana, hanyo manjago atau maawasan urang karajo. Osama jo Ali manarimo tawaran karajo tu, jo inyo saliang mambutuahan. Si Dua Edua wa Zono sangaik simpati ka inyo. Jo dalam pajalanan wakatu, sasakali si Ali ngecek jo kakaknyo tantang panamuan ameh tu, Ali manyayangan manga dibaliakan, kalau sajo inyo tahan, kan ameh inyo banyak. Tapi Osama ngecek, "kalau sajo kito indak manamuan jaguang tu, mungkin sajo kito alah mati." Sangaik bamanfaaik bagi sia se nan haragonyo maha kayak ameh, tapi jaguamg tu jugo baharaho maagiah kito hiduik. Akhianyo adiaknyo pun mangarati baa eloknyo satiok proses dalam hiduik. Indak ado nan kabetulan.

Rujuakan

Daftar isi · Carito Rakyat dari: Batak, Batawi, Gorontalo, Jambi, Jawa, Lampuang, Minangkabau, Melayu, Nieh, Palembang, Sunda