Resep: Wadai Ipau Banjar

Wadai Ipau

wadai ipau 1

Bahan:

• Ciek kilo gram kantang (karek petak)
• Satangah kilo gram wortel (karek petak, usahoan labiah ketek daripado karek kantang tadi)
• Ciek kilo gram dado ayam cincang
• Limo baleh siuang bawang merah
• Sapuluah siuang bawang putiah
• Ciek bungkuih lada bubuak
• Sacukuiknyo garam
• Sacukuiknyo gulo pasia

Bahan Adonan Kulit Ipau:

• Tigo ratuih limo puluah gram tapuang tarigo
• Tigo butia talua ayam
• Sa liter aia putiah
• Ciek sendok teh garam
• Tigo sendok makan minyak goreang

Bahan Kuah Ipau:

• Ciek biji karambia paruik dan peras sampai jadi santan pakek
• Ciek saset susu pakek manih
• Ciek sendok teh garam
• Cek sendok teh tapuang maizena
• Sacukuiknyo gulo pasia

Taburan Ipau

• Cek ikek daun saladri
• Sacukuiknyo bawang merah goreang

Caro Mambuek:

1. Partamo-tamo haluih'an bawang merah jo bawang putiah talabiah dahulu.
2. Sudah tu tumih'an bawang merang jo bawang putiah dengan nyala api sadang. jikok bumbu sudah di tanak masuak'an dado ayam yang alah sudah di cincang haluih.
3. Dan apabilo aia dakek ayam alah sudah mulai kalua, masuak'an garam, marica dan gulo sacukuiknyo.
4. Salanjuiknyo masuak'an wortel jo kantang yang alah sudah di karek.
5. Apobilo kantang jo wortel alah mulai lambuik, buliah di cuboan rasonyo sasuai jo salero. tambahan garam jo gulo sakcukuiknyo. dan apobilo diraso alah pas, matian api kompor dan di isian ipau bisa di dingin'an talabiah dahulu sabalum digunoan.
6. Salanjuiknyo, sambia manunggi isian ipaui dingin, kito mambuek kuliknyo dulu. untuak kuliknyo, kalian bisa buek dengan resep surang atau ma ikuik'an yang alah awak tulis di atah.
7. Sudah tu campua'an tapuang, talua, garam dan masuak'an aia sacaro palahan.
8. Ratoan adonan lalu sariang dengan sariangngan sampai indak ado lai adonan yang manggumpal.
9. Lalu adonan alah siap di masak manggunoan teflon khusus kulih risol / teflon biaso size kurang labiah duo puluah duo senti meter.
10. Naah apobilo kulik alah jadi, kito bisa langsuang mangisi kulih jo isian yang alah sudah kito dinginkan tadi.
11. Isi nyo dengan kulih kurang labiah ciek sendok makan isian supayo kulih indak mudah pacah, lalu tata dalam piriang yang tahan angek. lakuam sampai habih.
12. Dan apobilo alah salasai, salanjuiknyo kito bisa mambuek saos / di siram untuak iapu.
13. Masuak'an santan, garam, gulo, tapuang maizena ipau dan susu pakek manih ka dalam panci, jikok alah tacampua rato, di didiah'an dengan api yang nyalonyo ketek sampai mandidiah. sisiahkan.
14. Langkah salanjuiknyo, siap'an kukuihan untuak mangukuih ipau. sabalumnyo di masuak'an ka dalam dandang, siram ipau yang alah sudah di tata dengan saos sampai tarandam. lalu di masuak'an ka dalam dandang.
15. Labiah sapuluah minik, di siram baliak saos sampai kue ipau batua-batua tatutuik jo saos santan.
16. Apabilo alah sudah, tutuik baliak dandang kurang labiah limo minik. angkek dan dinginkan ipau.
17. Salanjuiknyo yang terakhir, tambah'an iriahan daun saladri dan bawang merah goreang. ipau siap dinikmati!! salamaik mancubo.