Resep: Timlo Solo

Timlo Solo

saporsi timlo

Bahan Kuah:

• 1/2 kg dagiang ayam
• 3 liter aia putiah
• 1 buah bawang bombay ukuran sadang, irih aluih
• 4 siuang bawang putiah, aluihan
• 1/2 butia buah palo
• 4 buah bungo lawang
• 5 butia cangkeh
• 4 butia kapulaga
• 1 sdt marica bubuak
• 3 sdt garam aluih
• 1 sdt kaldu bubuak
• 3 sdm minyak goreang untuak manumih

Isian:

• 1/4 kg wortel, irih irih mamanjang dan abuih
• 50 gram jamua kupiang, randam air angek dan rajang aluih
• 50 gram soun aluih, raandam aia angek
• karipik kantang sacukuiknyo

• talua abuih

palangkok:

• risoles
• karupuak

Caro mambuek:

1. cuci barasiah dagiang ayam.
2. abuih dagiang ayam jo 1/2 liter aia hinggo mangaluaan busa. buang aia abuihan partamo sudah tu cuci baliak dagiang ayam.
3. sudah tu abuih baliak dagiang ayam jo tigo liter aia. sisiahan
4. tumih bawang bombay sampai layua, tambahan bwang putiah haluih, tumih sampai harum. bumbu yang alah di tumih masuakan ka panci pa abuih ayam. masuakan bumbu cemplung buah palo, cangkeh, kapulaga dan bungo lawang. tambahan garam aluih, marica bubuak jo kaldu bubuak. masak sampai mandidiah jan lupo koreksi raso.
5. abuih wortel yang alah di karek karek sampai ampuak. tirihan dan sisiahan.

Panyajian:

1. ambiak dagiang ayam sudah tu cabiak cabiak dagiangnyo.
2. karek karek risoles goreang.
3. ambiak mangkuak, masuakan ka dalam mangkuak risoles yang alah bapotong, ayam yang alah di cabiak cabiak , siram jo kuah kaldu ayam . makan jo nasi angek dan karupuak jan lupo bawang goreang.