Resep: Tape Uli

Tape Uli

saporsi tape uli

Bahan tape:

• saratuih gram katan hitam
• ciek sendok makan gulo
• ciek bungkuih ragi tapai
• daun pisang

Bahan uli:

• saratuih gram bareh katan
• stangah buah karambia di kukua
• garam sacukuiknyo atau sapartigo sendok teh

Caro mambuek tape:

1. randam katan hitam salamo samalam atau minimal randam salamo tigo jam.
2. sudah tu angekan dandang untuak mangukuih, kukuih katan hitam nan alah di randam tu salamo tigo puluah minik sudah tu cuci barasiah.
3. kalau alah sudah bacuci kukuih baliak salamo duo puluah minik, kalau alah duo puluah minik, matian api kompor sisiahan sampai dingin.
4. tumbuak ragi tapainyo, sudah tu serakan di katan itam tu sudah tu tambahan gulo aduak rato. bungkuih jo daun pisang atau jo tampek barasiah . diaman salamo tigo hari untuak mamfermentasi katan hitam yang alah diagiah ragi sampai manjadi tapai.

caro mambuek uli:

1. randam bareh katan salamo tgo jam paliang sabanta dan paliang lamo samalam, angekan dandang untuak ma abuih , abuih salamo tigo puluah minik, masuakan karambia kukua jo garam, abuih baliak salamo duo puluah minik,
2. kalau alah angkek, sudah tu tumbuah sampai aluih sudah tu bantuak sasuai salero dan bungkuih elok elok
3. tape uli siap untuak di makan dalam keadaan dingin
4. salamaik mancubo.