Resep: Surabi Solo

Surabi Solo

surabi solo

bahan:

• saratuih gram tapuang bareh
• ciek sendok makan panuah tapuang tarigu atau sekitar duo puluah gram
• duo sendok teh ragi instan
• saparampek sendok teh baking soda
• duo sendok makan gulo atau sekitar tigo puluah gram
• saparampek sendok teh garam
• tigo ratuih limo puluah mili santan instan tu tambah aia agak saketek
• ciek halai daun pandan
• satangah sendok teh pasta raso vanila

taburannyo:

• Pisang/cubadak/coklat
• susu kental manih putiah / susu kental manih coklat

caro mambuek:

1. abuih santan, daun pandan jo api ketek sampai mandidiah sambia taruih di aduak bia ndak pacah santan. ambiak nan busa bagian ateh santan tuu, sisiahan. matian api kompor, diaman sampai angek-angek kuku.
2. campua sadoalah bahan kariang aduak rato, masuakan santan angek kuku saketek demi saketek sambia diaduak rato dan indak ado gumpalan diadonannyo
3. tutuik adonan sudah tu diaman se salamo satu jam atau sampai mangambang bana
4. kalau alah kambang bana, adonan lah bisa untuak dicetak.
5. sabalum dicetak angekan cetakan di ateh kompor jo api ketek
6. ambiak ciek sanduak sayua tuangan ka ateh pancetak sudah tu tutuik cetakannyo, tunggu sampai adonan balubang lubang bagian atehnyo dan indak basah. bukak tutuik cetakan tu angkek lai. ulangi caro nan samo sampai adonan habih.
7. sudah bacetak jan lupo agiah taburan sasuai salero. bantuak agiah cubadak, coklat, pisang atau yang lainnyo di ateh surabi nan alah masak tadi.
8. kalau alah sudah baagiah raso, surabi lah siap untuak dimakan jo teh angek.