Resep: Soto Tangkar Bogor

Soto Tangkar

Saporsi soto tangkar

Bahan:

• 500 gr dagiang
• 1 batang sarai
• 1 rueh jari langkueh
• 2 halai daun salam
• 4 halai daun jeruk
• 4 cm kayu manih
• 4 butia cangkeh
• 3 butia kapulaga
• 2 buah bungo lawang
• 1 bungkuih santan instan yang 65 mili
• 1 bungkuih fiber cream
• 2,5 sendok teh garam
• 2 sendok teh kaldu bubuak
• 1 sendok makan gulo saka
• 1,5 liter aia putiah
• minyak sacukuiknyo untuak manumih

Bumbu giliang:

• 7 siuang bawang merah
• 5 siuang bawang putiah
• 5 buah lado merah karitiang
• 3 butia dama sangrai
• 1 rueh jari sapadeh
• 1 rueh jari kunyik, baka
• 1 sendok teh katumba bulek sangrai
• 1/2 butia buah palo
• 1/2 sendok teh marica bubuak
• 1/4 sendok teh jintan

Palangkok:

• Bawang goreang
• karupuak ampiang
• Daun bawang irih
• Daun saladri irih
• Tomat
• Jeruk limau
• lado kutu giliang

Caro mambuek:

1. cuci barasiah dagiang sampai darahnyo ilang. sudah tu buang aianyo. sudah tu cuci baliak sudah tu bilas sampai barasiah buang aianyo baliak. sisiahan.
2. masak dagiang jo 1,5 liter aia, tambahan cangkeh, kapulaga, bungo lawang jo kayu manih.
3. giliang bawang merah, bawang putiah, lado merah karitiang, dama, sapadeh, kunyik, katumba, buah palo, marica jo jintan sampai aluih atau blender.
4. angekan minyak dalam panci sudah tu tumih bumbu nan alah bagiliang aluih, tambahan sarai, daun salam, daun jeruk jo langkueh nan batokok sampai harum.
5. lalu masuakan bumbu ka dalam abuihan dagiang, masak sampai mandidiah dan dagiang ampuak.
6. satalah dagiang ampuak, tambahan santan, fiber cream, gulo, garam dan kaldu bubuak. masak hinggo santan masak. sudah tu angkek dagiang. sisiahan
7. soto lah siap untuak di sajian, sajian soto jo bahan palangkok
8. salamaik mancubo.