Resep: Sate Kacang Pasaman

Sate Kacang Pasaman

sate kacang pasaman

Bahan Utamo:

• 500 gram dagiang ayam/jawi, potong dadu
• sa sendok makan sapadeh giliang
• sa sendok makan langkueh giliang
• 1/2 sendok makan bawang putiah giliang
• 1/2 sdm marica bubuak
• 1/4 sdt katumba bubuak
• 1/4 sdt kunyik giliang
• 5 sdm karambia kukua
• sacukuiknyo garam

Bahan Kuah Kuniang:

• saliter aia dari abuihan tulang ayam/dagiang
• duo liter aia putiah
• 5 sdm lado merah giliang
• 4 siuang bawang putiah giliang
• 1 cm sapadeh giliang
• 1 cm kunyik giliang
• 5 siuang bawang merah irih
• 2 sdm bubuk kari kambiang
• 4 sdm karambia randang
• 2 sdm kacang giliang
• 4 halai daun limau
• 2 halai daun salam
• 1 batang sarai, tokok
• 10 sdm tapuang bareh
• sacukuiknyo garam

Bahan kuah kacang :

• 1/2 ons kacang tanah
• 2 siuang bawang putiah
• 1 siuang bawang merah
• 2 bh lado merah karitiang
• 15 bh lado padi (sasusai salero)
• sacukuiknyo gulo merah jo garam
• minyak sacukuiknyo

Palangkoknyo:

• katupek
• bawang goreang untuak taburan

Caro mambuek:

1. campuan bumbu utamo kasadonyo masuakan dagiang galimangan sampai marato. diaman salamo 30 minik. sudah tu tusuak dagiang, sudah tu baka.
2. masak kuah kuniang: tumih bumbu kuah kuniang sampai harum. masuakan bumbu sudah batumih ka aia kaldu nan mandidiah.tambah tapuang bareh yang alah di caiaan jo aia saketek. aduak rato sampai kuah kuniang mangental.
3. masak kuah kacang: goreang kacang tanah,masuakan bahan kuah kacang kasadonyo ka blender agiah minyak sacukuiknyo sudah tu giliang sampai aluih. sudah tu tumih sampai kuah kacang tanak.

Caro manyajiannyo:

1. ambiak piriang, masuakan lontong, sate, siram jo kuah kuniang tu jo kuah kacang taburan bawang goreang.
2. makanlah lai.