Resep: Sambal Dabu-Dabu Khas Manado

Sambal Dabu-Dabu

Bahan

• 7 buah lado kutu
• 4 buah lado merah
• 5 siuang bawang merah
• 2 buah tomat
• sasendok teh garam
• palamak raso sacukuinyo
• 1 sendok teh aia jeruk nipih
• 6 sendok makan minyak manih angek

Caro Mambuek

1. patiak ujuang lado kutu jo lado merah
2. kupeh bawang merah
3. cuci sadoalah lado, bawang, sarato tomat
4. irih lado kutu jo lado merah sasuai salero
5. irih pulo bawang merah tipih-tipih
6. irih tomat nan alah dibuang isinyo supayo indak talampau balanyah, potongannyo bisa disasuaikan sajo jo salero
7. masuakan sadoalahnyo ka ciek tampek
8. kamudian tambahan garam, palamak raso, jo aia jeruk nipih
9. kacau sadoalah bahan
10. kamudian siraman minyak manih angek ka dalamnyo, kacau-kacau baliak
11. cuboan saketek untuak mamastian rasonyo alah pas atau alun
12. kok rasonyo alah sasuai jo salero surang-surang, bararti sambal dabu-dabu khas Manado ko alah siap untuak disajikan!