Resep: Roti Kompyang Khas NTT

Roti Kompyang (dibelah)

Bahan Roti Kompyang

• 250 gr tapuang tarigu protein tinggi
• 175 gr aia
• 20 gr susu bubuak
• 4 gr ragi instan
• 3 gr garam

Bahan Olesan dan Taburan

• 1 butia kuniang talua
• 2 sendok makan susu cair
• wijen putiah sacukuiknyo

Caro Mambuek

1. sadioan ciek tampek untuak mancampuaan tapuang tarigu, susu bubuak, jo ragi instan
2. kacau sadoalahnyo sampai tacampua rato
3. masuakan aia saketek-saketek sumbari dikacau taruih supayo sadoalah bahan tacampua rato
4. masuakan garam, kacau baliak
5. kamudian tutuik adonan jo plastik
6. diaman adonan nan lah batutuik salamo 30 minik
7. ambiak kiro-kiro 50 gr adonan, kamudian bulek-bulekan
8. latakan di loyang nan lah dioles mentega sabalunnyo supayo indak malakek
9. kocok kuniang talua jo susu cair, kamudian olesan ka ateh sadoalah roti nan alah dibulek-bulekan tadi
10. taburi wijen putiah di atehnyo
11. panggang dalam oven salamo 30 minik di suhu 170 derajat celcius
12. kok lah nampak warnanyo barubah agak coklat dan mangambang, kaluaan dari oven, kamudian baru sajikan

catatan: roti kompyang ko biasonyo indak baisi, tapi kok nio dibuek pakai isian buliah juo disasuaikan jo isian yang diinginkan