Resep: Pisang Salai

Pisang Salai

pisang salai batusangka

Bahan:

• limo sikek pisang masak, bebas pisang apo se yang katuju
• limo ratuih gram tapuang bareh
• duo ratuih limo puluah gram tapuang kanji
• aia sacukuiknyo
• garam sacukuiknyo
• gulo sacukuiknyo
• minyak goreang sacukuiknyo
• vanili bubuak sacukuiknyo

Caro mambuek:

1. kubak pisang sampai barasiah,
2. sudah tu balah pisang agak tipih atau sasuai salero.
3. sudah di balah, susun di tampah, sudah tu dijamua di bawah matohari dan ditampek yang barasiah, bebas dari abu , asok kendaraan , asok rokok tau yang bisa mangumuahan pisang yang dijamua.
4. tunggu kariang , biasonyo pisang yang dijamua akan kariang dalam duo sampai ampek hari
5. kalau alah ampek hari, angkek pisang yang alah di jamua, sisiahan.
6. sadioan kuali yang gadang, masuakan minyak iduikan kompor jo api sadang.
7. manunggu minyak angek, siapan tapuang untuak manggoreang pisang.
8. ambiak tampek, masuakan tapuang bareh, tapuang kanji, garam, gulo jo vanili bubuak jo aia sacukuiknyo . aduak sampai marato dan ndak ado tapuang yang manggumpa. sisiahan.
9. masuakan pisang ka dalam adonan, goreang sampai badaruak.
10. pisang salai siap dinikmati jo teh angek atau untuak di makan sambia nonton tv.
11. atau bisa juo untuak di jua.