Resep: Pendap

Pendap.

Bahan:

• 30 lembar daun kaladi taleh mudo
• 1 bh karambia kukuah tuo
• 1/2 kg lawuak (buliah lawuak apo sajo)
• 6 siung bawang merah
• 6 siung bawang putih
• 2 sd langkueh giling
• 3 sd lado giling (untuak padehnyo disasuaikan)
• 1 batang sarai
• 3 buah asam kandih
• Garam jo panyedap raso

Caro mambuek:

1. Balender sagalo bumbu sampai aluih kamudian aduak marato jo campuakan jo karambiah kukuah kamudian kicok rasonyo.
2. Susun 10 buah daun kaladi diateh daun pisang latakkan buluah nan alah dibagi tigo ka ateh daun kaladi.
3. Susun lawuak nan alah dibarasiahan jo kamudian dibagi tigo sudah tu tambahan ka buluah diatehnyo.
4. Kamudian tutuik jo bungkuih daun pisang jo kabek kuek pakai pelepah pisang.
5. Susun bungusan pendap ka dalam panci kamudian siram jo aia sampai manutuik bungkusan, kamudian masak jo api gadang. Sasudah mandidiah buek api manjadi sadang, masak kurang labiah 2 jam kalau pakai kayu baka abiah lamak rasonyo jo masaknyo bisa labiah lamo.
6. Awasi taruih aianyo jan sampai kariang, usahokan bungkusan pendapnyo tarandam taruih karano kalau indak, pendap bisa gagal dibuek.
7. Sasudah masak, angkek pendap kamudian sajian.