Resep: Nasi Kuning Khas Manado

Nasi Kuniang Khas Manado

Bahan Utamo

• 1 kg bareh pulen
• 1 liter santan kental (sasuaikan sajo jo banyak bareh)
• 2 batang sarai, tumbuak
• 5 halai daun pandan
• 5 halai daun kunyik (indak wajib)
• 5 halai daun jeruk (indak wajib)
• 5-10 bj kunyik blender dg air (sariang, ambiak sarinyo sajo)
• 2 bungkuih paraso ayam
• sacukuiknyo garam jo gulo

Bahan Bumbu Aluih A

• 8 butia bawang putiah
• 6 butia bawang merah
• 1-2 rueh sapadeh
• 1 rueh kunyik

Bahan Palangkok Untuak Abon Ikan jo Bihun

• Ikan ambu-ambu suwir
• 1 papan bihun (randam jo aia dulu)
• kecap manih
• garam atau palamak raso

Bahan Bumbu Aluih Untuak Abon Ikan jo Bihun

• 10 butia bawang putiah
• 8 butia bawang merah
• merica saketek

Bahan Bumbu Untuak Dagiang Kecap

• daging potong kotak-kotak ketek atau mamanjang
• kecap manis
• garam atau palamak raso
• 2 buah kantang, potong kotak

Bahan Bumbu Aluih B

• 8 butia bawang putiah
• 4 butia bawang merah
• jinten dan katumba (sangrai dulu)

Bahan Palangkok

• kantang goreang
• talua
• lado giliang
• bawang goreang
• timun

Caro Mambuek Nasi

1. tumih bumbu aluih A, masuakan daun pandan jo sarai nan alah ditumbuak
2. kamudian aduak sampai bumbu harum, baru masuakan palamak raso ayam sarato garam jo gulo
3. tuangan santan, kacau sampai mangalagak
4. masuakan kunyik, kacau baliak
5. kamudian masuakan bareh nan alah dicuci aron sampai sabana mangariang, baru angkek
6. tanak nasi sampai masak sumbari dikacau-kacau taruih supayo masaknyo marato

Caro Mambuek Abon Ikan

1. tumih sadoalah bahan bumbu aluih untuak pambuek abon
2. tunggu sampai harum, kamudian masuakan ikan, kecap, jo garam
3. kacau sampai babantuak abon ikan

Caro Mambuek Bihun

1. tumih sadolah bahan bumbu aluih untuak bihun
2. tunggu sampai harum, kok alah baru masuakan bihun sarato kecap manih jo garam
3. kacau sampai bihun masak

Caro Mambuek Dagiang Kecap

1. tumih bumbu aluih B sampai harum
2. masuakan dagiang, kacau sampai marato, baru masuakan kecap manih jo garam
3. tunggu sampai dagiang empuk, baru masuakan kantang
4. agiah aia baliak, tunggu sampai masak dan kental

Caro Panyajian Nasi Kuniang Khas Manado

1. latakan nasi dalam piriang
2. latakan pulo bihun, abin ikan, dagiang, kantang goreang, jo bawang goreang
3. bantuak panyusunannyo buliah disasuaikan sajo jo salero
4. latakan pulo lado giliang jo talua
5. kamudian terakhir agiah timun subagai parancak