Resep: Nasi Kuniang

Nasi Kuniang

Nasi Kuniang

Bahan:

• ampek ratuih gram bareh putiah biaso
• duo rueh kunyik , kubak sampai barasiah sudah tu baruik, rameh ambiak aia dari kunyik tu.
• sa halai daun pandan, ikek bantuak simpua
• sa halai daun kunyik, ikek bantuak simpua
• duo batang sarai, tokok
• tigo halai daun limau, buang tulang daunnyo bia ndak paik,
• sa bungkuih masako raso ayam
• anam puluah limo mili santan instan
• aia sacukuiknyo (sasusaian jo bareh yang ka di masak)
• sacukuiknyo garam
• sacukuiknyo gulo pasia
• sacukuiknyo minyak manih untuak manumih

Bumbu giliang:

• limo siuang bawang putiah
• tigo siuang bawang merah
• sa rueh jari sapadeh
• sa rueh jari kunyik

Palangkok:

• sacukuiknyo bihun tumih
• tempe orek
• Sacukuiknyo sambalado tarasi atau sasuai salero
• sacukuiknyo talua abuih
• karupuak
• tambah sacukuiknyo sayua nan katuju ndak ba sayua ndak baa pulo do.

Caro Mambuek:

1. blender sampai aluih bumbu giliang,
2. Tuangan saketek minyak manih ka kuali kiro-kiro tigo sendok makan sudah tu iduikan api sadang, tumih bumbu giliang tambahan sarai, daun pandan, daun kunyik jo daun limau. masak sampai bumbu masak dan harum.
3. masuakan santan instan anam puluah limo mili.aduak rato tambahan masako raso ayam sacukuiknyo tambah garam jo gulo sacukuiknyo pulo. aduak sampai rato sampai mandidiah. kalau lah mandidiah matian apinyo.
4. cuci bareh sampai barasiah, tirihan. masuakan bumbu yang alah siap batumis tadi kadalam pananak nasi elektrik yang alah barisi bareh, tambahan sacukuiknyo aia atau sasuai mananak nasi kayak biaso, sudah tu tuangan aia kunyik yang sudah barameh tadi.
5. iduikan pananak nasi, tunggu sampai masak sudah masak langsuang aduak marato supayo nasi tanak dan bumbunyo marasok marato ka saluruah nasi. sudah ba aduak tutuik pananak nasi baliak bia an se dulu agak sa jam habis tu angek.

Caro Panyajiannyo:

1. sanduak nasi ka ateh piriang, sudah tu agiah palangkoknyo, kayak yang ado di gambar ado talua abuih, bihun tumih, tempe orek, sambalado jo karupuak.