Resep: Mie Goreang Padang

Sabungkuih mie goreng padang

Mie Goreang Padang

untuak porsi ampek urang

Bahan:

• duo ratuih limo puluah gram mie kuniang
• aia untuak ma abuih mie
• sabatang daun bawang irih
• sabatang daun saledri irih
• tomat merah ciek
• limo sendok makan minyak goreng
• saparampek sendok teh merica bubuak
• saparampek sendok teh cindawanbubuak
• duo sampai limo sendok makan kecap manih

Bumbu Giliang:

• salapan siuang bawang sirah
• ampek siuang bawang putiah
• duo sendok makan lado sirah aluih
• ciek rueh jari sapadeh ( giliang )
• buah dama ciek ( giliang )
• garam aluih sacukuiknyo

Bahan palangkok:

• potongan dendeang jawi
• bawang goreang
• irihan tomat ketek-ketek
• talua mato sapi / talua dadar
• karupuak sirah
• karupuak ampiang
• daun salada
• katimun

Caro mambuek:

1. didiahan aia tambah minyak goreang duo sendok makan, kok alah mandidiah masuakan mie kuniang . masak mi kuniang jan sampai lunak bana. angkek tu tirihan di tampeknyo,
2. angekan kuali sabanta matian apinyo, agiah minyak sacukuiknyo . satalah tu masuakan bawang merah giliang, bawang putiah giliang, lado sirah giliang, sapadeh giliang, dama giliang tu tambah garam sacukuiknyo,
3. sudah tu iduikan api masak sampai bumbu harum, masuakan irisan tomat sampai agak layua saketek, tambahan cindawan bubuak, merica jo kecap manih. masukan daun bawang irih jo saledri irih,
4. masuakan mie yang alah ditirihan tadi tu aduak marato.
5. panyajiannyo ambiak piriang , masuakan mie sacukuiknyo ka dalam piriang, agiah potongan dagiang dendeang jawi,karupuak sirah, akrupuak ampiang, daun salada jo katimun. jan lupo serakan bawang goreang diatehnyo.
6. salamaik makan sanak.