Resep: Meuseukat Khas Aceh

Meuseukat

Bahan

• 20 butia kuniang talua
• 4 kg gulo pasia
• 1 kg tapuang tarigu (bebas merek apo sajo)
• 1 kg mentega
• nanas nan ketek ciek
• 5 l aia
• 5 bungkuih vanili bubuak

Bahan Bumbu Rempah

• 2 batang kayu manih (10 cm)
• 5 halai daun pandan
• 20 butia bungo lawang (bantuaknyo mode bintang)
• 20 butia kapulaga
• 10 butia cangkeh
• 2 sendok makan jintan

Caro Mambuek

Catatan: buek aia gulo talabiah dahulu wakatu malam supayo bisa digunoan wakatu paginyo

1. abuih kayu manih, daun pandan, bungo lawang, kapulaga, cangkeh, sarato jintan jo aia 5 liter
2. masuakan pulo gulo 4 kg
3. masuakan pulo cangkang talua kosong nan alah dicuci barasiah ciek (cangkang ko dipakai supayo bisa manyariang kotoran nan ado dalam gulo pasia, kotoran tu beko akan malakek di panci, jadi beko aia gulonyo labiah barasiah)
4. masak sampai mangalagak
5. kupeh naneh, kamudian paruik atau bisa langsuang diblender sajo buliah labiah aluih
6. mixer talua kuniang jo vanila bubuak sampai mangambang dan warnanyo barubah jadi pucek
7. ambiak kuali nan agak gadang, kamudian sariang gulo jo tapuang (supayo tapuang indak manggumpa, laruikan jo aia gulo talabiah dahulu)
8. masuakan pulo naneh nan alah diblender tadi, kacau kasadonyo sampai laruik pakai api sadang
9. kok alah angek bana, masuakan mentega
10. salanjuiknyo masuakan kuniang talua, kacau capek supayo indak manggumpa
11. kacau taruih salamo 3-4 jam sampai ado minyak nan kalua dari mentega
12. kok adonannyo alah indak lakek-lakek di tanganm bararti meuseukat alah masak (pastian pulo indak lakek di kuali)
13. ambiak talam, kamudian aleh jo plastik putiah
14. tuang adonan nan alah masak tadi, kok alah dingin baru hias sasuai jo kainginan surang-surang
15. sabananyo bisa juo indak dihias, tapi khasnyo meuseukat ko pasti mamakai hiasan