Resep: Martabak Terang Bulan

Martabak Terang Bulan

Bahan A

• 125 gr tapuang terigu pro sedang
• 25 gr tapuang tapioka RoseBrand
• 2 sendok makan gulo pasir
• 1/2 sendok teh garam
• 1/4 sendok teh vanili bubuak
• 1/4 sendok teh baking powder
• 1 sendok teh pasta red velvet (kok indak nio mawarnaan pakai iko indak baa juo)
• 200 ml air (1 gelas belimbing)

Bahan B

• sabutia talua

Bahan C

• 1 sendok teh baking soda/soda kue

Bahan Palangkok

• mentega
• mises, keju paruik untuak filling (atau nan lain, sasuaikan sajo jo salero)
• susu kental manih

Caro Mambuek

1. siapan tampek barasiah dan kariang
2. masuakan tapuang terigu, tapuang tapioka, gulo pasir, garam, vanili bubuak, jo baking powder
3. ayak kasadonyo untuak mamastian bahan-bahan tasabuik indak manggumpa
4. aduak sampai marato
5. tambahan aia, aduak sampai rato dan aluih
6. tambahan pawarna kok nio martabak bawarna, kok indak buliah dilewati sajo
7. masuakan baking soda, aduak rato sampai kalua bulek-bulek ketek di adonan
8. sariang baliak adonan untuak mamastian baliak bahwasannyo adonan alah sabana aluih
9. angekan teflon jo api sadang ka gadang
10. aleh teflon jo seng atau aluminium supayo angek di bawahnyo marato dan indak lakeh gosong
11. olesi mentega supayo adonan indak malakek
12. panggang sampai permukaan adonan basarang
13. kok alah nampak hampia kariang, ketekan api
14. tunggu sampai martabak sabana masak, kamudian angkek
15. agiah mentega oles di atehnyo, kamudian agiah topping sasuai salero (keju atau mises)
16. balah manjadi 2 bagian
17. talungkuikan sisi nan ciek ka sisi ciek lai
18. agiah mentega baliak di atehnyo
19. potong-potong martabak, kamudian martabak siap disajikan