Resep: Martabak Mesir

Martabak Mesir

Bahan Untuak Kulik

• 500 gram tapuang tarigu
• 1 sendok teh garam aluih
• 125 ml aia
• 2 sendok makan minyak manih
• minyak manih sacukuiknyo

Bahan Untuak Mambuek Kuah Martabak

• 800 ml aia
• 100 gram gulo aren, irih aluih-aluih
• 100 gram gulo pasir
• 1 sendok makan asam jawa
• bawang bombai ciek, balah duo
• tomat ciek, balah duo, buang bijinyo, dan irih tipih-tipih
• 10-15 buah lado kutu, irih kasa

Bahan Isi

• 10 butia talua
• 4 batang daun bawang, irih aluih-aluih
• 50 gram bawang bombai, cancang aluih
• minyak manih dan minyak samin sacukuiknyo

Bahan Adonan Dagiang

• 400 gram dagiang sapi, abuih, irih ketek-ketek
• 2 halai daun jeruk segar, irih kasa
• 3 cm langkueh, tumbuak
• sarai sabatang, tumbuak
• 400 ml santan kental dan karambia ciek
• minyak sacukuiknyo, untuak manumih jo manggoreang
• minyak samin sacukuiknyo

Bahan Bumbu Aluih

• 5 butia bawang merah
• 5 siuang bawang putiah
• 5 buah lado merah
• 3 butia kemiri sangrai
• 1 sendok teh panuah katumba sangrai
• 1/2 sendok teh jintan sangrai
• 2 cm kunyik baka
• garam jo gulo pasir sacukuiknyo

Caro Mambuek Kulik Martabak

1. campuaan sadoalah bahan, aduak marato, kamudian uleni adonan sampai kalis dan indak lakek-lakek lai di tangan
2. bagi adonan manjadi babarapo bagian, bulek-bulekan, kamudian randam dalam minyak goreang dingin, tutuik jo serbet basah, diaman salamo kurang labiah 90 minik

Caro Mambuek Kuah Martabak

1. campua aia jo kaduo macam gulo sarato asam
2. masak jo api ketek, aduak sampai mangalagak
3. angkek, kamudian sariang
4. didiahan baliak hasil sariangan jo api ketek, kamudian angkek
5. tambahan bawang bombai, tomat, jo lado kutu nan lah diirih

Caro Mambuek Adonan Dagiang

1. angekan 2 sendok makan minyak
2. tumih bumbu aluih, daun jeruk, langkueh, jo sarai sampai harum
3. tuang santan saketek-saketek sambia dikacau lambek-lambek sampai santan abih dan mangalagak
4. masuakan dagiang abuih nan lah diirih sabalunnyo
5. masak jo api ketek sambia dikacau-kacau santai
6. kok alah mangariang, angkek, kamudian latak di ciek tampek, dinginan sabanta
7. masuakan talua, daun bawang, jo bawang bombai irih ka dalam tampek dagiang, kacau kasadonyo sampai marato

Caro Mambuek Martabak Mesir

1. ambiak adonan nan lah didiaman tadi, pipihan adonan di ateh talenan
2. bantangan sampai maleba dan tipih
3. angekan wajan data, agiah 2 sendok makan minyak samin
4. pindahan adonan nan alah ditipihan tadi ka ateh wajan data, agiah 2 sendok makan adonan isi di bagian tangahnyo
5. lipek sarupo amplop
6. goreang ambia disiram-siraman minyak angek
7. baliak-baliakan sampai masaknyo marato
8. kok alah masak, angkek, kamudian potong-potong
9. siraman kuah ka martabak nan alah jadi
10. martabak alah bisa dimakan