Resep: Lontong Cap Go Meh

Lontong Cap Go Meh

Lontong Cap Go Meh

Sambal bali ( masak habang ):

• Satangah ikua ayam
• Duo batang sarai, tokok
• Duo halai daun salam
• Anam halai daun jeruk
• Tigo cm kayu manih
• Duo sdm saus tomat
• Duo sdm kecap manih
• Sacukuiknyo aia putiah
• Satu sendok teh garam
• Satangah sendok teh kaldu bubuak
• Minyak untuak manumih sacukuiknyo

Bumbu giliang:

• Lapan buah lado merah kariang, buang bijinyo, abuih sampai lunak
• Duo baleh siuang bawang merah
• Ampek siuang bawang putiah
• Duo cm sapadeh
• Saparampek sendok teh tarasi
• Duo sendok makan gulo saka aluih atau gulo palem

Sayur labu:

• Ciek buah japan, kubak, potong ketek ketek mamanjang bantuak korek api
• Anam halai kancang panjang, karek sapanjang 3 cm
• Duo cm langkueh, tokok
• Tigo halai daun salam
• Satangah liter aia putiah
• Anam puluah limo santan instan,
• Minyak untuak manumih,
• Satu stangah sendok teh garam
• Satu sendok teh gulo pasia
• Limo baleh siuang bawang merah
• Sapuluah siuang bawang putiah
• Tigo cm sapadeh
• Tigo cm kunyik
• Limo butia dama

Palangkok:

• Lontong
• Samba goreang kantang jo ati balado
• Bawang Goreang untuak taburan

Caro mambuek:

1. Karek karek manjadi anam bagian, sisiahan
2. Siapan bahan untuak bumbu aluihnyo, abuih lado kariang sampai lunak, sudah tu giliang sampai aluih bumbu bahan bumbu aluih. kalau alah aluih tumih bumbu sampai harum, masuakan sarai, daun salam jo kayu manih, aduak rato.
3. Tambahan saus tomat, kecap manih, aia aduak rato. masuakan talua dan potongan ayam, agiah garam jo kaldu bubuak, aduak rato, koreksi rato, masak sampai bumbu marasok dan mangental, sisiahan.
4. Siapan bahan sayua, aluihan bahan , tumih bumbu sampai harum. masuakan langkueh dan daun salam, aduak sampai layua, tambahan aia dan didiahan.
5. Masuakan japan, abuih sampai satangah masak, masuakan kacang panjang, masak sampai sayua lunak, tambahan garam, gulo, kaldu bubuak dan santan aduak sampai rato , koreksi raso sudah tu masak sampai mandidiah.

Caro panyajian:

1. Sadioan pinggan, masuakan dalam pinggan lontong sacukuiknyo, siram jo sayua japan, tambah ayam jo talua samba bali, agiah bawang goreang, sajian jo samba goreang kantang dan ati ayam.
2. Salamaik mancubo.