Resep: Lamang Tapai

Lamang Tapai

Bahan Pambuek Tapai

• 200 gram katan hitam
• 3 sendok makan gulo pasir
• sakapiang ragi tapai
• aia sacukuiknyo untuak mangukuih katan
• daun pisang sacukuiknyo

Bahan Pambuek Lamang

• 250 gram katan putiah
• secukupnya daun pisang
• 2 buah pisang masak
• 1 sendok teh garam
• 1,5 liter aia
• 500 liter santan kental

Bahan Tambahan untuak Dilaruikan

• 3 sendok makan gulo pasir
• 250 ml aia angek

Caro Mambuek Tapai

1. Cuci katan hitam
2. Kok alah barasiah, randam katan hitam samalaman (bisa dari pagi sampai sore)
3. Kukuih bareh katan salamo 40 minik atau sampai lambiak
4. Kok alah lambiak, pindahan katan hitam ka ateh daun pisang nan alah dibantangan
5. Angin-anginan katan nan alah masak
6. Aluihan ragi jo gulo pasir (bisa diblender sajo bia labiah praktis)
7. Bungkuih jo daun pisang
8. Kok alah tabungkuih sadoalahnyo dan sasuai jo jumlah nan diinginkan, pindahan ka kotak
9. Diaman di kotak sampai tigo hari tigo malam, di hari katigo bukak pambungkuih, kamudian salin ka tampek lain (buliah wadah kaco)

Caro Mambuek Lamang

1. Randam katan sabanta
2. Cuci barasiah katan
3. Kok alah barasiah, sariang katan kamudian pindahan ka tampek lain
4. Serakkan garam, kamudian aduak rato garam jo katan (pastian sabana tacampua supayo indak ado bagian nan talampau asin karano garam nan manumpuak)
5. Bungkuih katan manggunokan daun pisang (jan diisi talampau padek atau talampau saketek pulo)
6. Samek jo lidi atau tusuak gigi
7. Ikek jo banang nan agak taba supayo indak baserak katiko diabuih
8. Angekan aia sarato daun pandan
9. Abuih salamo 20 minik atau sampai aia lah nampak agak bakurang
10. Masuakan santan
11. Masak sampai santan mayusuik
12. Kok diraso alah manyusuik, api lah buliah dimatian, kamudian dinginan
13. Jiko lamang alah dingin, bungkuihnyo lah bisa dibuka
14. Lamang nan alah dibukak bungkuihnyo, bisa dilatakkan di piriang
15. Ambiak duo atau tigo sendok makan tapai nan alah dicampua jo gulo sabalunnyo
16. Aduak smpai marato, siram kaateh lamang
17. Lamang lah bisa dimakan!