kupeh ubi nan alah disadioan, kamudian cuci sampai barasiah
paruik sadoalah ubi nan alah dicuci
peras ubi sampai aianyo abih, sisiahan dahulu
siapan kuali, kamudian angekan minyak manih
sumbari manunggu minyak angek, tumbuak gulo merah sampai aluih
kok minyak lah angek, goreang ubi nan alah diparuik tadi
kacau-kacau ubi sampai warnanyo agak coklat saketek
kamudian baru masuakan pulo gulo merah nan alah ditumbuak tadi
kacau baliak sampai warna ubi manyatu jo warna gulo merah (minyak akan nampak kumuah, tapi masih tetap bisa dipakai karano warna minyak nan karuah hanyo dikaranokan gulo merah nan digoreang tadi)
kok warna ubi alah barubah sarupo warna gulo merah, angkek ubi, kamudian latakan di cetakan bulek (jan lupo disariang talabiah dahulu!)
ulang baliak manggoreang sampai ubi jo gulo merah nan disadioan abih
kok alah dimasukan ka cetakan kasadonyo, tingga tunggu sajo sampai set
kamudian baru kaluaan dari cetakan
kue katang-katang ko bisa langsuang dimakan sajo dan bisa disimpan dalam toples kalau indak langsuang abih
