Resep: Kue Bugis Mandi

Kue Bugis Mandi

kue bugih mandi

Bahan isi:

• duo ratuih limo puluah gram kacang hijau kubak
• stangah butia karambia kukua
• duo ratuih gram gulo atau sasuai salero
• sacukuiknyo garam
• ciek saset vanili bubuak

Bahan kulik:

• stangah kilo tapuang katan
• stangah galeh tapuang tapioka
• sacukuiknyo gulo atau sasuai salero
• sacukuiknyo garam
• tigo sendok makan minyak goreang
• santan atau aia sacukuiknyo sampai adonan kalih

Bahan kuah:

• ciek galeh tapuang maizena
• limo galeh santan
• sacukuiknyo garam
• duo halai daun pandan

Caro mambuek isi:

1. abuih atau kukuih kacang hijau sampai ampuak, kamudian aluihan
2. siapan panci, masuakan karambia kukua, gulo , garam, vanili jo saketek aia.
3. masak di ateh api ketek sampai karambia layua dan gulo laruik,
4. tambahan kacang ijau yang alah di aluihan masak sambia diaduak sampai tanak dan kalih, angkek biaan dingin.
5. buek bulek bulek ketek untuak isian. suapyo bulekan samo gadang, timbang 20-20 gram, jadi kurang labiah 50 bulekan.

Caro mambuek adonan kulik:

1. siapan mangkuak , masuakan tapuang katan, tapuang kanji, gulo, minyak jo garam. aduak hinggo rato.
2. tambahan aia atau santan sambia diuleni sampai adonan kalih dan indak lengket di tangan. usahoan adonan tetap lunak jan talampau padek,
3. tambahan saketek pasta pandan jiko suko, aduak sampai tacampua rato adonan dan bisa di puluang.
4. ambiak adonan kulik sacukuiknyo, isi jo ciek isian sudah tu puluah atau bantuak bulatan mulus. usahoan ndak ado yang ratak. bia pas di kukuih ndak ado isinyo nan bocor.
5. kukuih bulekan jo dandang pangukuihm yang alah dialeh daun pisang dan di oles minyak, kukuih sampai masak kurang labiah 20 minik.

Mambuek kuah:

1. siapan panci, masuakan tapuang maizena, garam, daun pandan dan santan. aduak sampai sadoalah bahan tacampua rato.
2. abuih jo api sadang sampai tanak dan mengental,
3. salagi bahan kuah masih angek, bungkuih putri mandi.
4. ambiak ciek buah kue bugis mandi, latakan di plastik bungkuih, sudah tu siram jo 1-2 sendok makan bahan kuah, bungkuih rapi.
5. biaan kue bugis mandi dingin dan bahan kuah set atau saketek mangareh. hidangan
6. Catatan: jiko menginginkan isian tanpa campuran karambia alias hanyo kacang hijau, masak isian dengan manambah 200 ml santan