Resep: Kue Bangkit Khas Riau

Kue Bangkit

Bahan

• 250 gr tapuang tapioka
• 75 gr tapuang jaguang
• sahalai daun pandan
• 100 gr gulo pasia
• 2 buah kuniang talua
• 1/2 sendok teh garam aluih
• sasendok teh vanili bubuak
• 1/4 daun jeruk puruik bubuak

Bahan Santan

• 130 ml santan kental
• 5 halai daun jeruk puruik
• sahalai daun pandan

Caro Mambuek Santan

1. sadioan kuali, kamudian masuakan santan, daun jeruk puruik, jo daun pandan
2. masak jo api ketek, kacau taruih supayo indak pacah santan
3. tunggu sampai mangalagak, kamudian baru matian api
4. sisiahan santan nan alah masak, dinginkan sajo di suhu ruang

Caro Mambuek Adonan

1. sangrai tapuang tapioka, tapuang jaguang, sarato daun pandan jo api ketek
2. sangrai sampai daun pandan mangariang
3. tunggu sampai angeknyo bakurang, kamudian ayak supayo indak ado tapuang nan manggumpa
4. masuakan kuniang talua, gulo pasia, garam, vanili, sarato daun jeruk ka tapuang nan alah diayak tadi
5. kocok sampai sadonyo tacampua rato
6. tambahan tapuang, kamudian aduak baliak
7. tuangan santan saketek-saketek, kacau sampai rato dan sampai adonan bisa diuleni
8. uleni jo tangan sampai jadi adonan nan siap cetak
9. tutuik adonan jo serbet supayo indak kariang
10. pindahan adonan nan alah didiamkan tadi ka ateh karateh, kamudian pinyak-pinyakan supayo labiah mudah dicetak
11. cetak adonan sasuai jo cetakan nan diminati sampai sadoalah adonan abih (kok adonan taraso agak kareh, buliah ditambah jo santan kental saketek)
12. pindahan adonan nan lah dicetak ka ateh loyang (loyang indak paralu diolesi jo mentega)
13. angekan oven gas di suhu 150°C salamo 10 minik jo api bawah sajo
14. panggang kue salamo 25 minik atau sampai di tingkek kematangan nan diinginkan
15. latakan kue nan alah salasai dipanggang di rak pandingin dan tunggu sampai uok angeknyo ilang

catatan: wakatu baru dikaluaan dari oven, kue memang alun langsuang renyah. Tapi katiko uok angeknyo lah hilang, baru kue bangkit ko bisa renyah dan lumer katiko lah masuak muluik