Resep: Kue Bagelan Keju

Kue Bagelan Keju

Bahan A

• 250 gr tapuang gandum
• talua ciek
• 20 gr susu bubuak
• 20 gr gulo
• 20 gr madu
• 1 sendok teh ragi
• 1/2 sendok teh sp

Bahan B

• 20 gr mentega
• 1/2 sendok teh garam

Caro Mambuek

1. ambiak ciek tampek, kamudian masuakan bahan A (tapuang gandum, talua, susu bubuak, gulo, madu, ragi, jo sp)
2. mixer di kecepatan nan tinggi
3. masuakan aia saketek-saketek, jan sampai talampau encer
4. kok alah sudah dimixer, baru masuakan mentega jo garam (bahan B)
5. uleni sampai kalis paliang indak salamo 10 minik
6. masuakan ka tampek baru
7. diaman adonan salamo sajam
8. kok alah sajam, bantuak-bantuak adonan bulek mamanjang
9. kamudian tutuik adonan dan diaman baliak salamo sajam
10. lamo mandiamannyo tagantuang suhu ruangan pulo, sumakin angek mako sumakin capek prosesnyo
11. kok alah mangembang adonan tadi, panggang di oven 170 derajat celcius
12. panggang jo api ateh bawah
13. oven salamo 20 minik tagantuang janih oven masiang-masiang pulo
14. kok alah masak, baru potong-potong roti jadi babarapo bagian
15. olesi atehnyo jo mentega
16. kamudian taburi gulo jo keju (sabananyo keju ko bisa pulo langsuang dimasuakan wakatu mauleni adonan tadi)
17. oven kue baliak salamo sajam di suhu 150 derajat celcius, tagantuang janih ovennyo
18. kok alah masak total, kaluaan dan langsuang sajo disajikan!