Resep: Katupek Pitalah Padang

Katupek Pitalah Padang

Bahan-Bahan :

• Bahan katupek
• bareh
• sarang katupek

Bahan Gulai :

• 500 gram cubadak mudo
• 500 gram rabuang
• 250 gram dagiang
• 1 butie karambie (1 kilo gram santan)
• 2 liter aie biaso
• 100 gram lado giliang

Bumbu Aluih :

• 25 buah lado kutu
• 7 siung bawang merah
• 2 siung bawang putieh
• 2 cm jahe
• 1 sdt ketumba bulek/bubuk
• 4 buah kemiri
• 4 cm lengkueh geprek
• 2 lembar daun kunyit
• 1 batang sarai
• 1 sdm garam

Caro Mambueknyo :

1. masuakan bareh ka sarang bareh, isi 1/3 sajo jangan panuah, supayo pas di abuih indak malimpah kalua, karano inyo beko padek di sarang katupek.
2. Abuih katupek yang alah diisi sampai masak.
3. Sambie manunggu katupek masak, siapan bumbu rempah, giliah/blender sampai aluih.
4. masak aie di panci sampai mandidih, masuakkan dagiang, masak sampai empuk.
5. Jiko dagiang alah empuk, Aie maabuih dagiang tadi jan dibuang, tambahan se cubadak mudo, ,asak sampai cubadak empuk.
6. sudah itu, masuakan bumbu aluih, masuakan rabuang, masukan santan, masak sampai mandidih.
7. masuakan bumbu penyedap, koreksi rasonyo, jiko adao yang kurang tambahan.
8. Jiko diraso alah sempurna, matian kompor.
9. potong katupek yang alah diabuh tadi sasuai salero, tuang gulai yang alah dibuek, Tambahan toping sasuai salero.
10. Katupek Pitalah siap disantap, Salamaik mancubo sanak.