Resep: Karupuak Jangek Balado

Karupuak Jangek Balado

Bahan

• 150 gram karupuak jangek
• 13 buah lado merah
• 1 siuang bawang putiah
• 5 siuang bawang merah
• 1 buah tomat merah
• garam sacukuiknyo
• kaldu bubuak sacukuiknyo

Caro Mambuek

1. goreang karupuak jangek kasadonyo
2. kamudian siapan sadoalah bahan
3. kamudian giliang sadoalah lado bulek merah sarato garam pakai batu lado sajo, indak usah pakai blender
4. kamudian tambahan bawang, giliang baliak sadonyo sampai aluih
5. potong-potong tomat, kamudian masak sampai warnanyo barubah
6. masuakan pulo lado merah nan alah digiliang tadi
7. tambahan kaldu bubuak, kamudian masak sampai baun langunyo hilang
8. cuboan lado saketek untuak mamastian rasonyo alah sasuai salero atau alun, kok alah matian api dan diaman lado
9. padiaan lado tadi sampai sabana-bana dingin
10. kok alah dingin baru masuakan karupuak jangek supayo indak liyuik
11. aduak-aduak karupuak jangek sampai kanai dek lado kasadonyo
12. kok alah tacampua rato, baru pindahan karupuak jangek ka piriang saji atau toples