Resep: Karupuak Ikan Tenggiri Khas Sumut

cuci barasiah ikan tenggiri, kamudian buang tulang-tulangnyo
ambiak ciek tampek untuak maancuaan dagiang ikan tenggiri, ancuaan sampai aluih bana
di tampek nan samo, masuakan talua utuah, kuniang talua, gulo pasia, garam, sarato soda kue
aduak kasadonyo kamudian kicok untuak mamastian rasonyo alah sasuai salero atau alun
tarakhia baru masuakan tapuang tapioka
uleni adonan sampai bisa dibantuak
kamudian ambiak talenan atau aleh apo sajo, taburi jo tapuang
giliang adonan mamanjang, kamudian potong-potong sasuai salero
jan dipotong talampau gadang atau panjang karano wakatu dimasak akan mangambang
sadioan kuali ciek, kamudian angekan minyak sacukuiknyo sajo
kok lah angek, baru masuakan adonan nan alah dipotong-potong tadi
masak sumbari diaduak taruih sampai teksturnyo barubah jadi renyah
kok alah masak kasadonyo, tiriskan, lalu sajikan!