kubak ubi parancih kasadonyo, sudah di kubak masuakan ka dalam aia barasiah, ulang bantuak itu ka satiok ubi parancih nan alah sudah di kubak.
sudah tu salasai dikubak sadonyo dan dirandam jo aia barasiah, buang aia randaman partamo tu, ganti aia baru baliak, cuci hinggo barasiah dari luluak yang masih ado.
alah sudah bacuci sampai barasiah, tirihan jo tampek nan lain dulu.
sudah tu siapan beberapa tampek untuak malatakan ubi parancih yang ka dioalah.
siapan pambaruiknyo jo embe untuak manampuang hasil baruikannyo.
sudah takumpua alaik-alaiknyo, mulai paruik ubi parncih nan alah barasiah tu ciek-ciek, baruik sampai haluih bana. sudah tu hasil baruikan tu di tambah jo aia sacukuiknyo, sudah tu rameh hinggo bisa dapek aia pati dari ubi parancih tu.
aia pati nan lah takumpua di tampek panampuangnyo tu, di diaman sekitar duo puluah minik, sudah tu aianyo dibuang jadilah tapuang kanji basah untuak mambuek karak kaliang ko.
dadak ubi sudah di rameh tu, dikariangan atau di jamua agak sahari di bawah matohari.
tambah aia sacukuiknyo ka tapuang kanji basah, iduikan kompor jo api sadang, aduak taruih sampai mambantuak lem yang agak caia.
sudah tu campuan adonan tapuang nan alah babantuak lem ka dadak ubi yang alah kariang yg sudah bajamua saharian, tu tambahan bumbu-bumbu nan alah disadioan, aduak rato.
alah sudah baaduak rato , diaman agak sabanta. habis tu cetak bantuak angko 8 di nampan.
sudah tacetak kasado adonan,
siapan kuali jo minyak manih untuak manggoreang.
iduikan api sadang, pas minyak alah angek bana masuakan adonan karak kaliang nan alah di bantuak tadi ka , masak sampai adonan mangambang dan tarapuang ka permukaan minyak. sudah tu angkek. tirihan
