Resep: Kapitiang Saus Talua Asin

Kapitiang Saus Talua Asin

Saporsi Kapitiang Saus Talua Asin

Bahan:

• stangah kilo kapitiang
• duo sendok makan tapuang tarigu
• ciek sendok makan tapuang bareh
• stangah sendok teh marica bubuak
• garam sacukuiknyo

Bahan Saus Telur Asin:

• duo butia talua asin, ambiak kuniangnyo se
• ciek sendok makan mentega
• saratuih mili aia putiah
• stangah sendok teh marica bubuak
• ciek sendok teh kaldu bubuak
• stangah buah bawang bombay
• tigo siuang bawang putiah
• tigo buah lado merah karitiang
• ciek batang daun bawang

Caro Mambuek:

1. abuih kapitiang di aia yang mandidiah sabanta se.habis di abuih kaluaan dari panci pa abuih tu cuci jo aia barasiah dan mengalir. pastikan kapitiang alah di cuci sampai barasiah bana.
2. kalau alah di cuci sampai barasiah, tokok cangkangnyo sampai pacah bia bumbu masak marasok sampai ka dalam dan labiah mudah mamakannyo beko.
3. agiah kapitiang tapuang bumbu, sudah tu goreang sampai kapitiang barubah warna, angkek tirihan lalu sisiahan.
4. siapan bumbu untuak mambuek saus irih-irih jo karek karek bawang, daun bawang jo lado karitiang.
5. kubak dan lumatkan talua asin jo mentega aduak rato.
6. tumih bawang bombay hinggo layu, masuakan bawang putiah irih, tumih kaduonyo sampai harum. lalu masuakan campuran talua asin. sambia di aduak dan tambahan aia, lado, bawang, marica bubuak dan kaldu bubuak aduak rato. koreksi raso.
7. sudah pas bumbunyo masuakan kapitiang nan alah bagoreang tadi. aduak-aduak sampai bumbu masak dan marasok ka dalam kapitiang.
8. kapitiang talua asin siap untuak di makan jo nasi angek
9. salamaik mancubo,