Resep: Itiak Lado Mudo

Saporsi Itiak Lado Mudo

Resep Itiak Lado Mudo

Bahan:

• 1 kg dagiang Itiak
• 600 ml aia karambia tuo
• 1/4 kg lado mudo karitiang (di giliang)
• 1/2 rueh jari kunyik (di giliang)
• 7 buah bawang sirah (di giliang)
• 2 siuang bawang putiah (di giliang)
• 2 rueh jari sampadeh (di giliang)
• 3 rueh jari langkueh (di giliang)
• 1 sendok teh katumba (di giliang)
• 2 buah kemiri (di giliang)
• 2 sendok makan garam aluih
• 1 sendok makan gulo pasia
• 3 halai daun salam
• 3 halai daun limau
• 1 batang sarai
• 2 buah asam kandih
• 1 halai daun kunyik

Caro mambuek:

1. tumih bumbu giliang kecuali lado mudo karitiang, masuakan daun kunyit, daun salam, daun limau jo sarai sampai harum. tu masuakan dagiang itiak, di oseng sabanta.
2. tambahan lado mudo karitiang nan alah di giliang tadi saparo sambia di oseng.
3. masuakan aia karambia tuo. guno aia karambia ko untuak masakan lebih baraso gurih. kalau ndak ado aia karambia tuo bisa diganti jo aia putiah biaso. angekan sampai mandidiah jo api sadang.
4. kok taraso dagiang itiak alah taraso ampuak, masuakan sadoalah lado mudo yang lah bagiliang tadi. masuakan garam, gulo jo asam kandih. gulo jo garam bisa disasuaikan jo salero masiang-masiang. ketekan api hinggo dagiang ampuak dan kuah mangental.
5. itiak lado mudo siap untuak di hidangkan di meja makan.