Abuih jariang talabiah dahulu jo daun salam bia indak babaun. Barasian ikan pantau,cukuik buang kapalo sajo. Lado merah karitiang digiliang sampai aluih kamudian tambahan garam sacukuiknyo
Sabalun jariang di goriang, tokok dahulu sampai pipih, kamudian goriang jariang jo goriang ikan pantau cukuik jo api sadang supayo indak hangui tapi harus garing
Angkekkan minyak goreng ikan tadi, goriang pulo lado kamudian agiah panyedap raso, kamudian sasudah lado masak baru masuakkan ikan pantau nan alah digoreng jo jariang nan alah digoreng.
