Resep: Godok Obuih
Bahan
[suntiang | suntiang sumber]Bahan Utamo
[suntiang | suntiang sumber]- 8 buah pisang makan nan agak gadang
- 250 gr tapuang katan
- 75 gr tapuang bareh
- 100 gr gulo pasir
- 1/2 sendok teh garam aluih
Bahan Kuah Santan
[suntiang | suntiang sumber]- 750 ml santan
- 100 gr gulo pasir (+- 9 sendok makan)
- satangah sendok teh garam (beko bisa disasuaikan pulo jo salero surang)
- 2 halai daun pandan
Caro Mambuek Godok
[suntiang | suntiang sumber]- Kupeh sadoalah pisang nan alah disadioan
- Hancuaan pisang manggunoan sendok, atau galeh (buliah pulo dirameh manggunoan tangan sajo)
- masuakan gulo, garam, jo tapuang
- Kacau sampai sadoalah bahan marato dan indak manggumpa
- Ambiak (diagak-agak sajo) adonan pisang tasabuik
- Buek bola-bola sarupo onde-onde atau sarupo biji salak
- Asiangan adonan nan alah dibulek-bulekan ka wadah lain
- Lanjuikan jo mambuek kuah
Caro Mambuek Kuah Santan
[suntiang | suntiang sumber]- Masuakan santan ka kuali
- Tambahan gulo saketek-saketek (sampai cocok rasonyo di lidah)
- Masuakan garam
- Masuakan pulo daun pandan
- Pastian mangacau santan supayo indak tajadi pacah santan
- Koreksi rasonyo sumbari mangacau
- Kok alah mangalagak, masuakan adonan nan alah dibulek-bulekan tadi
- Masak sampai kuah kental
- Kok alah kental, bararti godok obuih alah bisa disajian
- Makan wakatu masih angek atau dimasuakan ka kulkas dulu pun lamak juo