Resep: Dodol Kentang Khas Jambi

Dodol Kentang Khas Jambi

Bahan

• 1 kg kantang
• 500 ml santan kental
• 500 gram gulo pasia
• 250 gram tapuang katan
• 1/2 sendok teh garam
• daun pandan (indak wajib, hanyo untuak paharum sajo)

Caro Mambuek

1. kupeh sadoalah kantang, kamudian kukuih
2. aluihan kantang nan alah dikukuih, pastian indak ado kantang nan manggumpa
3. ambiak tampek nan agak gadang ciek, kamudian masuakan kantang nan alah dialuihan tadi
4. masuakan pulo santan, gulo, tapuang katan, jo garam
5. aduak sadoalah bahan sampai tacampua
6. tuangan campuran kantang ka dalam kuali
7. masak jo api ketek, aduak taruih supayo indak malakek atau gosong di bagian dasar kuali
8. kok nio harum, masuakan daun pandan dalam adonan nan sadang dikacau
9. maaduak adonan ko bisa mamakan waktu 2 sampai 3 jam, pokoknyo sampai adonan barubah jadi labiah galok dan teksturnyo kental dan lengket bana
10. pastian untuak maaduaknyo taruih supayo masaknyo marato
11. kok alah pasti masak dan alah sampai di tekstur nan diinginkan, angkek dari api
12. tuangan adonan ka dalam loyang nan alah dialeh plastik atau daun pisang untuak mampamudah mangaluaan dodol
13. ratokan dan biaan dingin dan mangareh
14. kok alah kareh, potong-potong dodol sasuai salero
15. masuakan ka toples kok nio disimpan dalam wakatu lamo