Resep: Bubua Sapuluik Itam

Bubua Sapuluik Itam

Bahan Bubua

• 500 gr katan iitam
• susu kental manih sabungkuih
• 15 sendok makan gulo pasir (disasuaikan sajo jo salero surang-surang)
• saliter aia

Bahan Kuah

• Santan dari karambia ciek (konsistensi sadang)
• satangah sendok teh garam
• salembar daun pandan

Caro Mambuek Katan Itam

1. Randam katan salamo tigo jam, kamudian cuci sampai barasiah
2. Abuih katan nan alah barasiah, kamudian kok lah mulai lambiak, masuakan gulo
3. Masuakan pulo susu kental manih, kamudian aduak sampai marato, sudah tu asiangan sumbari mambuek kuah bubua

Caro Mambuek Kuah Bubua

1. Masak sadoalah bahan kuah sampai mangalagak
2. Pastian untuak acok dikacau supayo indak tajadi pacah santan
3. Kok alah mangalagak dan rasonyo alah sasuai salero, bararti api lah bisa dimatian
4. Pindahan kuah nan lah masak ka wadah
5. Tunggu sampai angeknyo bakurang
6. Kok diraso suhunyo alah cukuik aman untuak dimakan, tuangan kuah ka katan nan lah dipindahan ka piriang atau mangkuah
7. Salanjuiknyo, agiah potongan daun pandan nan ketek sajo untuak mamparancak bantuaknyo
8. Bubua katan itam alah bisa dimakan!