Resep: Bingka Ubi

Kue Bingka Ubi.

Bahan:

• 2 buah ubi, ukuran sadang
• 5 sdm gulo pasia,tingkek manihnyo sasuai salero
• 2 butia talua
• 3 sendok makan tapuang tarigu
• 1/4 sdt garam
• 1/2 sdt vanilli bubuak
• 150 ml santan cukuik kental
• Sacukuiknyo kacang untuak toping.

Caro mambuek:

1. Kupiah kamudian karek ubi, cuci sampai barasia, kamudian kukuih sampai lunah atau bisa juo di abuih.
2. Angkek, kamudian tumbuak ubi sampai aluih. Indak paralu talampau aluih.
3. Siapkan sagalo bahan, dalam wadah campuakan ubi nan alah sudah dialuihkan jo gulo pasia, garam, tapuang tarigu, talua, vanili, jo santan. Aduak sampai marato tacampua bahannyo.
4. Angekkan cetakkan bingka ketek jo api sadang, kamudian lepoh jo mentega tipis.
5. Sasudah itu ambiak adonan sabanyak sasendok sayua, kamudian tuangan ka dalam cetakkan nan alah mulai angek. Sasudah itu tutuik cetakkan jo panggang sampai satanga masak.
6. Bukak tutuik kamudian agia sacukuiknyo kacang sabagai topping, sasudah itu masak baliak sampai bana masak.
7. Kue bingka ubi siap untuak di idangan.