Resep: Ayam Pop
Ayam pop adolah makanan nan babahan pokoknyo dagiang ayam, ayam pop barasa dari Provinsi Sumatra Barat. Nan mambedaan ayam pop jo ayam goreng adolah pado rononyo, ayam pop punyo rono nan masih putiah pucek katiko salasai dimasak. Hal itu dikaranokan sabalun digoreng, ayam pop nan alah diagiah bumbu diabuih manggunokan aia karambia jo bawang putiah cincang. Sasudah itu, ayam baru digoreng sabanta di dalam minyak angek supayo masak samparono dan mandapek saketek tekstur badaruak. Ayam pop biasonyo diidangan jo sambalado tomaik sarato sayua daun pucuak parancih diabuih.
Bahan
[suntiang | suntiang sumber]- Ayam kampuang nan dikarek 4-5 bagian
- Aia karambia agak 3 galeh (sekitar 750 ml)
- Minyak manih sacukuiknyo
- Bawang merah 3-5 siuang
- Bawang putiah 2-4
- Kamiri 3 buah
- Sarai sabatang, bapipihan
- Sipadeh sarueh
- Langkueh sarueh
- Daun limau puruik 3 halai
- Garam sacukuiknyo
Caro mambuek
[suntiang | suntiang sumber]- Siapan sadoalah bahan utamo jo bumbu aluih. Cuci barasiah ayam nan alah bakarek manjadi babarapo bagian. Latakkan ayam ka dalam pariuak
- Siapan sadoalah bahan-bahan.
- Baluik ayam jo bumbu aluih sampai marato
- Tambahkan aia karambia, sarai, jo garam sacukuiknyo
- Abuih bahan sampai bumbunyo marasok. Sudah tu, angkek ayam lalu kariangkan!
- Angekan cambuang barisi minyak manih. Masuakkan ayam untuak digoreng salayang. Jan sampai rono kulik ayam barubah sampai kacoklatan!
- Kalau alah masak, angkek ayam tadi. Ayam pop alah siap untuak diidang!