Resep: Arai Pinang

Arai pinang adolah kue khas masyarakaik Minangkabau di Provinsi Sumatera Barat. Arai Pinang kue nan taraso rapuah, badaruak, sarato baaroma minyak karambia. Arai Pinang dibuek mangunoan pancetak alami dari arai bungo pohon pinang sahinggo bantuaknyo jadi bulek pipih jo bagarih-garih. Arai pinang biasonyo ado dalam acara-acara baralek di Minangkabau

samangkuak arai pinang

Bahan

• 500 gram tapuang bareh Rose Brand
• 800 ml aia
• Sasendok teh garam

• Sasendok teh bawang putiah

• ½ sendok teh kapua siriah

• 2 sendok makan talua

• Saliter minyak goreang

• 2 halai daun pandan

• Arai pinang

Caro Mambuek

1. Abuih aia samo daun pandan, garam, bawah putiah jo kapua siriah sampai manggalagak
2. Panggang tapuang agak 5 menit, habis tu masuakan aia mandidih tadi tu aduak sampai rato
3. Masuakan talua, aduak baliak sampai rato
4. Bulek-bulekan adonan, habis tu bantuak jo arai pinang
5. Goreang adonan sampai warna cream, habis tu angkek tu kariangan samo sisiahkan.
6. Arai pinang alah jadi dan siap untuk dihidangkan
7. Masuakan ka dalam tampek tatatuik supayo batahan lamo