Resep: Apam Paranggi Banjar

Apam Paranggi Banjar

Apam Paranggi kadang disabuik Apang Paranggi nan merupoan kue khas dari Suku Makassar, Sulawesi Selatan. Kue iko tabuek dari tapuang bareh dicampua jo santan jo bahan nan lian. Apam Paranggi ado dua jeni, menuruik jeni gula nan digunoan, jiko dipakai gulo putiah, mako Apam Paranggi akan bawarna putiah jiko dipakai gulo merah mako Apam Paranggi akan bawarna merah kecoklatan.

Apam Paranggi Banjar

Bahan:

1. Duo ratuih limo puluah gram tapuang tarigu/ tapuang gandum
2. Saratuih tujuah puluah limo gram gulo saka/ gulo pasia
3. Duo ratuih limo puluah mili santan pakek
4. Sa parampek vanili bubuak
5. Satangah sendok teh baking powder
6. Sasendok makan fermipan
7. Sabutia talua ayam
8. Garam sacukuiknyo
9. Sahalai daun pandan

Caro Mambuek:

1. Abuih santan jo daun pandan, garam sampai mandidiah jan lupo diaduak taruih bia ndak pacah santan. Matian api kalau lah mandidiah sudah tu masuakan gulo saka atau gulo pasia aduak sampai gulo laruik, diaman sampai agak dingin atau suhu ruang.
2. Ambiak cambuang lain, masuakan tarigu, fermipan garam jo vanili bubuak siram saketek demi saketek sambia di aduak.
3. Masuakan sabutia talua ayam, aduak baliak adonan sampai samorato jo ndak ado adonan yang manggumpa
4. Diaman adonan dan tutuik adonan salamo kurang labiah satu jam.
5. Sasudah sajam aduak-aduak baliak adonan untuak mambuang gas yang ado di adonan. Masuakan baking powder, aduak-aduak baliak. Diaman agak sabanta.
6. Ambiak cetakan sanduak adonan sabanyak 1/3 cetakan ka dalam cetakan yang alah di oles jo mentega.
7. Panggang adonan diateh kompor atau jo oven elektrik.
8. Tutuik cetakan. Biarkan sampai masak, kalau lah kambang dan masak kaluaan apam dari cetakannyo,
9. Kue apam alah siap untuak di sajian.
10. Salamaik mancubo.