Resep: Anyang Rawan
Anyang rawan adolah makanan khas Minangkabau, nan barasa dari Subarang Padang, Kota Padang. Anyang sacaro bahaso bararti makanan matah nan di agiah bumbu. Makanan iko tabuek dari putiak jo daun sampelo nan diabuih, dicampua karambia jo kapalo sarato tulang rawan jawi. Anyang iko kini alah langka, karano hanyo ciek kaluarga nan mambueknyo di Subarang Padang tu.
Bahan
[suntiang | suntiang sumber]- Tulang rawan
- Bumbu randang
- Karambia kukua
- Lado giliang
- Lado kutu
- Bawang merah
- Daun limau
- Asam kapeh
Caro Mambuek
[suntiang | suntiang sumber]- Abuih tulang rawan sampai agak lunak
- Sumbari manunggu anyang diabuih, lanjuikan sajo jo maaluihan bumbu
- Aluihan bawang jo lado kutu
- Campua jo lado giliang bagai
- Irih daun limau
- Masuakan daun limau nan alah diirih ka karambia kukua, aduak sampai rato
- Tambahan bumbu randang jo jeruk nipih (supayo ndak amih)
- Aduak sadoalah bumbu di ciek tampek sampai tacampua rato
- Baluik tulang rawan nan alah salasai diabuih tadi jo bumbu nan alah tacampua
- Jan lupo manambahan garam sasuai salero
- Kacau sampai tulang rawan sabana-bana tabaluik
- Kalau raso alah sasuai jo salero, bararti anyang rawan alah siap untuak disajikan