Resep: Ampar Pisang

Ampar Pisang

Bahan

Bahan Utamo

• Kulik pangsit sabanyak ampar nan ka dibuek
• Pisang makan (disasuaikan jo banyak ampar nan ka dibuek)
• Mantega sacukuiknyo sajo
• Gulo sacukuiknyo sajo
• Minyak manih sacukuiknyo sajo untuak manggoreang

Bahan Kulik Pangsit

• 500 gr tapuang protein sadang
• 50 gr tapuang tapioka
• 300 ml aia angek
• 1/2 sendok teh garam
• 2 sendok makan minyak manih

Caro Mambuek

Caro Mambuek Kulik Pangsit

1. Ampuan tapuang tarigu jo tapuang tapioka, aduak rato
2. Tambahan garam, aduak baliak
3. Masuakan minyak goreang, kamudian kacau baliak
4. Tuangan aia angek saketek-saketek, aduak jo sendok
5. Lanjuik uleni jo tangan sampai kalis
6. Irih adonan manjadi babarapo bagian, kamudian pipihan
7. Gilas jo rolling pin paliang indak sampai ketebalan 0,05 mm jo leba 11x11 cm
8. Potong baliak jadi 4 bagian
9. Kamudian serakan tapuang sacukuiknyo di tiok lapih kulik supayo indak malakek satu samo lain

Caro Mambuek Ampar

1. Kubak sadoalah pisang nan alah disadioan (buliah dibalah duo kok talampau gadang)
2. Ambiak kulik pangsit nan alah dibuek tadi duo buah (labiah rancak pakai kulik pangsit supayo hasilnyo beko labiah renyah)
3. Lampok sadoalah bagian pisang jo kulik pangsit
4. Pastian satiok tapianyo dipiciak-piciak sampai rapek
5. Buek sampai pisang jo kulik pangsit abih, kamudian angekan minyak manih
6. Goreang ampar jo api sadang, tunggu sampai warnanyo barubah agak coklat, baru angkek
7. Sariang minyak nan tabaok di ampar, kamudian baru olesi ampar jo mentega sasuai salero
8. Tabua gulo sacukuiknyo di ateh ampar nan lah dioles mentega tadi
9. Ampar alah bisa langsuang dimakan!