Resep: Acar Mantimun

Acar mantimun

Acar mantimun adolah mantimun nan diawetan dalam larutan cuko atau aia garam, acok ditambah rampah jo bumbu lainnyo.

Bahan

• Mantimun sakita 1 - 2 kg, sasuai salero
• Wortel 2 buah
• Bawang merah sakita 10 siuang
• Bawang putiah 2 siuang
• Lado kutu saparampek
• Lado merah 3 buah
• Gulo pasia 1/2
• Cuko sacukuiknyo
• Simpadeh sarueh
• Garam sacukuiknyo
• Aia sacukuiknyo

Caro Mambuek

1. Abuih aia sampai mandidiah, tambahan cuko sacukuiknyo, agiah garam jo gulo sasuai salero
2. Kubak kulik bawang merah sampai barasiah, untuak bawang merah jo lado kutu padian se tetap utuah
3. Kubak simpadeh, sasudah tu irih tipih-tipih
4. Buang biji lado merah, potong-potong manjadi 3 bagian sasuai kainginan
5. Irih aluih bawang putiah
6. Saduah bumbu-bumbu tasabuik jo aia mandidiah
7. Kaluan biji mantimun, cuci, siaptu potong-potong sasuai kainginan, cuci manggunoan aia nan alah masak
8. Barasiahan kulik wortel, potong ketek-ketek sasuai kainginan, bisa mamanjang atau dadu
9. Masuakan sado bahan kalau cairan lah manjadi dingin
10. Kalau lah 2 hari, acar dapek dimakan jo dihidang dibabagai makanan
11. Acar bisa dimasuakan ka dalam toples bia awet