Resensi Buku: How to Die Karya Seneca

Identitas Buku

Judul Buku: How to Die

Panulih: Lucius Annaeus Seneca

Genre: Filsafat

Halaman: 196

Penerbit: Kepustakaan Populer Gramedia

ISBN: 9786024812423

Ukuran Buku: 11 x 16cm

Blurb

Seneca, sama seperti para pemimpin Romawi pada masanya, menemukan kerangka moral dalam Stoisisme, mazhab pemikiran Yunani yang dibawa ke Roma. Kaum Stoa mengajarkan kepada para pengikutnya untuk mencari kerajaan dalam diri sendiri, kerajaan akalbudi. Namun, sedikit berbeda dengan pemikir Stoa umumnya, Seneca memberikan penekanan baru pada doktrin tersebut, terutama yang berkaitan dengan berbagai bentuk kematian. Seneca percaya bahwa hidup hanyalah perjalanan menuju kematian dan bahwa setiap orang perlu berlatih mempersiapkan kematian sepanjang hidupnya.

“Perlu seumur hidup untuk belajar bagaimana menjelang ajal,” tulis Seneca.

Resensi Buku

Kok ado buku nan harus dibaco sabalun mati, mako How to Die ko lah bukunyo. "Sebuah Panduan Klasik Menjelang Ajal", baitu jargon buku nan ditulih dek Seneca ko. Buku nan indak sampai 200 halaman ko mamuek pikiran-pikiran Seneca nan diterjemahkan sacaro gamblang.

Subagai salah satu filsuf nan mamagang aliran pemikiran Stoa, tujuan utamo Seneca manulih buku ko adolah untuak manolong pambaconyo dalam manjalani hiduik damai, bijaksana dalam mambuek pilihan samaso hiduik, sarato mahadok'i kamatian. Jadi, sabananyo buku ko indak baisi soal "caro untuak mati", tapi malah baisi ajakan supayo awak nan mambaco bisa mambukak pangana sahinggo katiko mambuek piliahan-piliahan dalam hiduik ko awak bisa labiah bijak.

Ado duo kutipan nan manuruik ambo cukuik manganai di dalam buku ko:

"Penghargaan kita pada umur panjang dan naluri kita untuk merasa kehilangan ketika satu kehidupan berlangsung singkat, sama sekali keliru." (Umua panjang nan wak agung-agungkan sarato naluri kito untuak maraso kahilangan katiko ado hiduik nan singkek, itu samo sakali indak batua).

"Apa artinya mengulur sesuatu apabila waktu yang ditambahkan nyaris tidak berarti apa-apa?" (Apo artinyo maulua sesuatu kok wakatu tambahan nan wak punyo tu indak bararti apo-apo?)

Dari kaduo kutipan tu dapek disimpulkan bahwasannyo, hiduik nan labiah lamo, umua nan panjang indak akan ado gunonyo kalau awak indak manjalani hiduik jo caro nan elok dan batua-batua. Cubo pikiaan, umpamo awak lah bado'a taruih ka Tuhan untuak diagiah umua panjang, tapi umua panjang nan wak dapek tu indak wak pagunoan untuak babuek hal-hal nan baguno antah untuak diri wak surang atau untuak urang lain.

Paralu diingek, stoa itu hanyo pemikiran untuak hiduik (just way of life), bukan kepercayaan. Jadi jan dianggap kalau pemikiran stoa ko pemikiran nan sasek dan bertentangan jo agamo. Padahal indak mode tu konsepnyo. Meskipun damikian, awak harus tetap bijak dalam mamiliah dan mancerna pemikiran-pemikiran stoa ko untuak diaplikasikan dalam kehidupan.

Sasudah mambaco buku ko, kalau kito mambaconyo jo pikiran yang rasional dan tanang, pasti wak sadar kalau pemikiran Seneca soal hiduik dan mati ko diajaan pulo dalam agamo. Satiok agamo pasti maajaan umaiknyo untuak manjalani hiduik sabaiak-baiaknyo supayo katiko wak maningga, awak alah punyo bekal untuak mahadok nan Maha Kuaso.

Intinyo, stoa adolah pandangan nan maajak manusia untuak bernalar, bukan untuak maajak manusia maninggaan agamo nan sajatinyo adolah suatu akar.

Kakurangan Buku

1. Tulisannyo talampau ketek, jadi lumayan capek mambuek mato panek.
2. Ado babarapo bagian nan talampau ekstrim dan memang dibutuahan kebijakan awak subagai pambaco dalam mambaco dan mamahaminyo.

Kalabiahan Buku

1. Lewat buku ko awak diajak untuak basungguah-sungguah dalam manjalani hiduik supayo indak samo jo urang nan hiduik tapi nampak mode urang mati.
2. Pemikiran nan matang dari Seneca mambuek awak sadar akan makna kamatian dan baa mahadok'annyo sacaro bijak.
3. Seneca maagiah pandangan nan segar untuak pambaco soal kamatian dan maajak kito untuak taruih mangambangan potensi diri sarato maharagoi apo nan tajadi di maso kini.