Resensi Buku: Dongeng Kucing Karya Boy Candra

Identitas Buku

Judul Buku: Dongeng Kucing

Panulih: Boy Candra

Genre: Fiksi

Halaman: 208

Penerbit: Grasindo

ISBN: 9786020530826

Ukuran Buku: 13 x 19 cm

Blurb

Kucing putih betina dengan tanda hitam berbentuk bulan sabit di sekitar kening itu murung. Ia tidak ingin makan lagi. Air matanya sering mengalir. Ia benar-benar kehilangan semangat dan tidak bergairah melakukan hal apa pun. Keriangan sebelumnya telah memudar terbawa oleh kepergian satu-satunya saudara yang ia miliki. Saudaranya, kucing hitam jantan dengan bintang putih di sekitar kening itu kini tidak ada di sampingnya. Manusia asing itu tidak hanya memisahkan tubuh sepasang kucing kecil bersaudara itu, tetapi benar-benar menghancurkan semangat hidup Kucing Putih. Ia terkulai lemah di dalam kandang tanpa ingin ke mana-mana. Satu-satunya yang ia inginkan saat ini hanyalah bertemu kembali dengan saudaranya. Ia tidak bersemangat saat ada yang mencoba menghiburnya. Ia bahkan tidak berdiri sama sekali saat mainan kucing digerakkan di atas kepalanya.

Resensi Buku

Tokoh utamo di novel ko banamo Bobin dan Kitty. Bobin si kuciang hitam nan punyo tando lahia bintang di kapalo dan Kitty si kuciang putiah nan batando bulan sabik di kapalonyo. Kaduo kuciang ko baradiak-kakak. Indak jauah babeda jo kuciang-kuciang lia pado umumnyo, kakak-baradiak ko tingga di kawasan kumuh di sekitaran bawah jalan tol.

Di bawah jalan tol tasabuik indak hanyo ado kaduo kuciang ko, tapi ado pulo baragam binatang lain mode landak, mancik, berang-berang, biawak, ado pulo buruang gareja. Sadoalah binatang di sinan hiduik rukun dan saliang manolong dalam kondisi apo pun.

Kamudian suatu hari tajadilah kajadian nan paliang ditakuti dek sadoalah binatang nan mahuni kawasan bawah jalan tol itu. Dek ulah manusia nan raok, Bobin jo Kitty pun tapisah jo keluarganyo. Kakak -baradiak ko dibaok ka penangkaran hewan untuak dipajua-balikan. Di penangkaran kaduonyo memang dirawat sacaro elok, tapi sayangnyo urang nan alah langganan maadopsi kuciang di sinan bisa disabuik "urang gilo". Urang nan langganan maadopsi kuciang di sinan sangajo mamintak kuciang tiok sabanta untuak nyo siksa dan nyo makan.

Wakatu baru mambaco buku ko dan tibo di bagian nan gilo tu, ambo batanyo-tanyo baa kok bisa hal mode tu tapikia dek Boy Candra. Kamudian indak lamo ambo ingek kalau kajadian mode tu memang pernah tajadi di dunia nyato dan sempat rami kasusnyo di media.

Salamo mambaco buku ko ado raso basalah nan timbua di diri ambo subagai urang nan suko dan mamaliharo kuciang. Baa kok bisa ambo maraso basalah? Jawabannyo bisa sanak tamukan langsuang dengan mambaco buku Dongeng Kuciang ko. Buku ko ringan, jadi meski pun ado 200-an halamannyo, tetap bisa disalasaian mambaconyo dalam sakali duduak.