Pletokan

Apo itu Pletokan?

Pletokan adolah pamainan khas anak Batawi. Pletokan marupoan pamainan tradisonal tembak manembak nan dimainan dek anak-anak baumua anam hinggo tigo baleh taun ( 6-13 taun ) sacaro bakalompok atau surang manembak binatang ketek.

Namo Pletokan dalam pamainan iko tarinspirasi dari bunyi "Pletok", nan mano bunyi pamainan tu mirip jo suaro pistol atau badia-badia mainan. Para pamain biasonyo tadiri dari anak laki-laki, namun indak manutuik kamungkinan anak padusi ikuik sato bamain. Manembak adolah kagiatan inti pamainan iko. Pamainan iko mambuek anak-anak maraso tatantang karano maraso bantuak sadang di medan parang.

Caro mambuek pletokan

1. Pletokan tabuek dari buluah nan panjangnyo 30 - 40 cm bafungsi sabagai tabuang meriam ( bantuak pipa) jo diameternyo 1/2-1 cm. Bambu nan dipiliah nan tuo dan kuek bia indak capek busuak.
2. bambu di potong jo caro dibalah manjadi duo bagian.
3. untuak mambuek panyodok, bambu dirauik bulek mangikuti lingkaran tabuang pletokan.
4. alehnyo atau titiak tolaknyo dibantuak manjadi gagang sapanjang 10 cm dari bambu lainnyo.
5. Pado bagian ujuang bambu tambahan jo daun pandan atau daun karambia ditambahan di ujuangyo dan diguluang manjadi karucuik untuak mambuek suaro labiah kareh.

Caro bamain pletokan

1. sadioan pletokan atau pistol-pistolan nan alah dibuek dari buluah,
2. sudah tu sadiaon palurunyo, palurunyo bisa dari karateh, daun atau sajinihnyo
3. sudah tu masuakan paluru ka batang panolaknyo atau panyodoknyo ka ujuang pletokan tu dan di tolak dek batang panolak atau panyodok.
4. Paluru kaduo iko punyo duo fungsi, ciek sabagai klep pompa untuak manakan paluru partamo yang akan di tembakkan, fungsi kaduo manjadi paluru yang disiapkan utnuak ditembakkan barikuiknyo.
5. tembakan iko manimbuaan bunyi pletok dan paluru talontar kurang labiah bisa sajauah limo meter dan relatif lontarannyo luruih.