Pamainan Wak Wak Kung

Apo itu Pamainan Wak Wak Kung?

Wak Wak Kung populer sacaro tabateh di wilayah Betawi, biasonyo pamainan iko dikenal jo namo Ular Naga. Sabutan ular naga karano para pamain harus ado dalam jumlah banyak atau kalompok, samakin ramai dan manambah durasi pamainan dan samakin sero, karano akan ado banyak anak yang tajebak katiko syairnyo baranti, karano pamainan iko punyo ciri khas nyanyian yang dimainkan dangan lincah sairiang nadanyo naiak turun mangitari dan mamasuaki lorong, nyanyian tu biasonyo syair syair populer nan dikatahui dek anak-anak . Wak Wak Kung dikenal juo jo istilah Ulabalang di wilayah lain atau Oray-Orayan di daerah Sunda. Biasonyo pamain dari pamainan iko anak-anak baumua 6 hinggo 12 tahunan. Akan tatapi, indak manutuik kamungkinan mancapai 20 urang bahkan labiah. Pamainan iko dilakuan di lapangan tabuka atau nan lueh. pamainan iko punyo tujuan edukasi, yakni amnjago sportifitas antar kalompok, salain itu ado nilai pertemanan, karajosamo hinggo palinduangan antaro anggota kalompok.

Caro bamain

ado duo pihak yang mandapek tugas manjadi tarowongan dengan caro hompimpa atau sasuai jo katantuan pamain kasadoalahnyo. fungsi nan baduo tu untuak bia pamain nan lain saolah olah masuak ka dalam tarowongan. dengan caro urang nan baduo tu tagak bahadap hadapan lalu bapegangan tangan untuak mambantuak samacam gerbang karucuik arah ka ateh.

Kamudian anggota pamain lainnyo mambantuak barih sajajar biasonyo diuruikan badasarkan katinggian, Anak yang badannyo candaruang pendek diposisian di muko, baitu pulo sataruihnyo samakin tinggi samakin ka balakang. Posisi tasabuik bafungsi manyasuaikan panjago gerbang agar samakin maiakan kaduo tangan dan manjago kasaimbangan salamo pamainan balangsuang.

Satalah tarowongan bahasil dibantauk dek panjago gerbang mako bagiliran pamain mamasuaki tarowongan tadi sambia banyanyi riang. Paralu diingek si panjago gerbang biasonyp marupoan duo anak nan paliang tinggi diantaro sadoalah pamain. Ado sabuikan khusus bagi duo anak nan manjago gerbang yoitu induak ayam dimano peserta lain yang malewati terowongan kamudian disabuik anak ayam. sabuikan itu bavariasi, bisa juo bulan dan matohari atau istilah lainnyo yang labiah cocok di daerahnyo.

Lambek-lambek pamain yang babaris malewati tarowongan sambia manyanyikan syair untuak Wak Wak Kung bisa bavariasi sasuai daerahnyo, syairnyo bantuak wak wak kung Batawi bantuak nan dibawahko:

Wak wak gung nasinya nasi jagung

Lalapnya lalap kangkung

Pit alaipit kuda lari kejepit

Kosong kosong kosong isi isi isi isi…

Anak anak balagu sampai lagu tarahir, pado saaik syair atau lagu habis, sacaro spontan tangan panjago gerbang akan manangkok peserta yang tajebak di saaik nyanyian baranti., anak yang barado tapek di tangah terowongan saaik lagu barakhia akan ditanyo " Kamu mau bulan bintang berapa?" atau manyasuaian namo si panjago gerbang terowongan tu., sampai kaduo timnyo sapakaik untuak maambiak tim yang kalah. Kalompok nan kalah akan dijadian ayam sadangkan kalompok nan manang akan dijadian alang atau buruang yang dianggap labiah baiak posisinyo dari ayam dalam dunia binatang.

Pamain yang tajebak misalnyo mamiliah bulan dan balanjuik pindah ka barisan paliang balakang sabagai hukuman karano tajebak tadi. Bantuak itu sataruihnyo sampai akan tabantuak duo kalompok. Para pamain akan tagak sajajar kamudian bapegangan ciek tangan. Tangan panjago akan saliang manahan, hinggo tabantuaklah barisan bantuak saaik akan bamain tarik tambang.

Kaduo kalompok akan tagak bahadap-hadapan dan tarik manarik hinggo ado nan malewati bateh barih nan ditantuan. Kalompok yang bisa manarik lawan marupoan pamanangnyo.