Pamainan Som-Som Batee
Apo itu pamainan Som-Som Batee?
[suntiang | suntiang sumber]Som-Som Batee adolah pamainan dari Aceh Selatan. Kato "som-som" aratinyo "manyuruakan," dan "batee" aratinyo "batu." Pamainan iko dimainkan di sungai-sungai nan aianyo janiah jo batu-batu gadang. Batu-batu ketek tasambunyi di antaro batu-batu lain di bagian-bagian nan dalam di sungai, nan mamaralukan pamain untuak amati jo hati-hati untuak mancarinyo.
Wakatu untuak bamain
[suntiang | suntiang sumber]Sam-Som Batee dimainkan pado wakatu pagi atau sore, sakitar pukua 9-11 pagi jo 4-6 WIB. Indak buliah dimainkan siang hari, sakitar pukua 12 sampai 1 siang.Manuruik kapacayoan satampek, wali sungai sadang lalu lalang pado wakatu iko, dan anak-anak bisa sakik jikok inyo bamain. Sacaro ilmiah, hari juo sangaik paneh, sahinggo main di aia dingin bisa mambuek badan sakik. Karano itu, Som-Som Batee dilarang katiko tangah hari. Pamainan ko adolah pamainan rekreasi atau pamainan nan sero untuak anak-anak SD. Inyo mamakai batu khusus, biasonyo bawarna putiah, tasuruak di dalam aia.Pamainan ko indak mamakai musik karano fokusnyo adolah pado ketangkasan jo akurasi anak-anak dalam mancari batu-batu nan tasuruak.
Aturan dan caro bamain
[suntiang | suntiang sumber]sabalun main Som-Som Batee, anak-anak maundi untuak manantuan sia nan ka manyuruakkan batu (eumpien). Pamenang undian manyalam jo manyambunyikan batu tu di antaro batu-batu di sungai, kamudian maagiah isyarat ka kawan-kawan timnyo untuak mamulai mancari. Satiok pamain punyo kasampatan untuak manyalam babarapo kali untuak mancari batu tu. Kalau indak ado nan manamukan batu tu, si manyuruak dapek poin sabanyak jumlah pamain. Kalau ado nan manamukan batu tu, pamain itu dapek titiak ketek dan manjadi panyambunyikan barikuiknyo. Pamainan ko dimainkan satu-satu, dan pado akhianyo, pamain nan paliang banyak poin adolah pamanang.