Pamainan Serentam
Apo itu pamainan serentam?
[suntiang | suntiang sumber]Pamaian Serentam atau Segerentam adolah sabuikan masyarakaik suku Bangsa Serawai Kecamatan Manna, Kecamatan Talo dan Kecamatan Pino. Sedangkan sabuikan di Kecamatan Seluma adolah Entam Ayam.
Pamainan iko dapek dilakuan dek anak laki-laki dan umua barapun kini dilakuan dek anak-anak dan remaja, dan indak manutuik kamungkinan bisa dilkauan dek anak padusi. Namun karano alah manjadi suatu tradisi masyarakai satampek, jadi kalau dimainkan dek padusi kurang elok, dan karano pamainan iko mudah menyerap disaluruah lapisan masyarakaik jadi masih lestari sampai kini. Jumlah pamain iko indak tabateh, biasonyo jumlah pamain indak ganjil karano dibagi manjadi duo kelompok dan pembagian kelompok ko dipakiroan barimbang kakuaikannyo. dan pamainan iko biasonyo dimainkan sore hari saiak urang urang rami turun mandi ka sungai, pamainan ko biasonyo dimainkan sakitar tampek pamandian dan indak bagitu dalam dan ado tampek untuak ba istirahat misalnyo dibatu batuan nan ado disungai.
Aturan bamain
[suntiang | suntiang sumber]satiok pamain harus mamakai pakaian mandi atau dalam bahaso daerah basahan atau telasan, basahan atau telasan adolah bantuak pakaian mandi yang tabuek dari bahan belacu yang barukuran sakitar 1 m x 1 1/2 . pkaian tasabuik dikabekan ka pinggang masiang-masiang dan pakaian mandi iko marupoan pakaian mandi khas daerah Suku Bangsa Serawai atau Kabupaten Bengkulu Selatan.kalau kini anak-anak alah jarang bamain mamakai basahan atau telasan, meraka mamakai sarawa pendek karano lebih bebas mangarik.
- nan nio ikuik sato pado bakumpua, pamain makin banyak makin ancak dan makin basumangaik bamain
- partamo piliah duo urang nan dipakiraoan kakuaikannyo samo dan kaduo tu ditetapkan sabagai katua kalompok
- dan pamain nan lain untuak mamiliah masuak kalompok nan ma dengan caro basuit.
- satalah salai pambagian kalompok, sadoalah anggota pai manuju lokasi bamain jo pakaian mandi masiang-masiang.
- indak buliah matarajang bagian lihia ka ateh, bagian dado dan kamaluan.
- indak buliah balari ka daratan atau talapeh dari aia.
- pamain buliah manggunoan kakinyo indak buliah jo anggota badan nan lain
- katua kalompok berhak mangaluaan pamain yang indak patuah jo peraturan pamainan
- dan katua kelompok bisa dikaluaan dek saluruah anggota kalau babuek salah
- dan apobilo salah satu kalompok manyarah karano kahabisan tanago mako dinyatokan kalah
Caro bamainnyo
[suntiang | suntiang sumber]Misal ado 16 urang nan nio bamain ,di bagi jadi duo kelompok jadi anggota kalompok ado 8 urang per kelompok, kalompok akan malawan kalompok lain dengan caro menghajar atau bataruang di dalam aia, disaat sadang bataruang itulah aia akan manjadi barombak ombak dan karuah karano gerakan sadoalah pamain. dan saiak itu juo nampak sia pamain nan unggul mambela diri, tarampil dalam baranang , manahan angok, tahan dingin dan manyarang lawan. dan di saaik pamain-pamain sadang bataruang akan tadanga juo suaro surao dari pamain lain yang barusaho untuak saliang malamahan mental lawan. kalau kakuatan duo kalompok saimbang, mako wakatu pamainan akan samakin lamo, bisa mancapai 2 sampai 3 jam. dan kalau alun ado nan kalah mako pamainan iko akan dilanjuik bisuak harinyo.