Pamainan Sepak Kaleng

Pamainan iko marupoan pamainan tradisional Kalimantan Selatan nan manggunoan kaleng.

Aturan pamainan

1. Pamainan iko dimainkan dek tigo urang atau labiah.
2. Pamainan dilakuan di tampek nan lapang.
3. pamainan diawali jo hompipah.
4. Ciek urang pamain nan kalah hompipah akan jadi.
5. Para pamain manantuan ciek tampek lapang untuak malatakan tumpukan kaleng.

Caro bamain

1. Pamain nan jadi akan manyusun kaleng jo caro manumpuak kaleng ciek di atas kaleng lainnyo. Samantaro, pamain nan lain balari untuak mancari tampek mandok.
2. Pamain nan jadi akan mancari para pamain nan mandok katiko salasai manyusun kaleng.
3. katiko basobok pamain nan mandok, pamain nan jadi harus manyabuik namo pamain tasabuik. Lalu pamain nan jadi, balari ka tumpukan kaleng untuak manyipaknyo. Begitu pula pamain nan disabuik namonyo akan balari jo malakuan hal nan sama jo pamain nan jadi.
4. Pamain dianggap mati dalam pamainan, jikok pamain nan jadi menemukannya mandok. Lalu pamain nan jadi tasabuik manyabuik namonyo jo barasia menyipak kaleng labiah dulu. Sebaliaknyo, pamain dianggap indak mati dalam pamainan, jikok pamain bisa manyipak kaleng labiah dulu daripado pamain nan jadi.
5. Katiko sadoalah pamain alah basobok, pamain nan jadi akan maituang jumlah pamain nan dianggap mati. Hal iko dilakukan supayo pamain nan jadi bisa mannatuan rantang angko nan akan disabuiknyo beko.
6. Para pamain nan dianggap mati akan babarih di balakang pamain nan jadi. Samantaro, pamain nan dianggap indak mati dalam pamainan indak paralu ikuik babarih. Sasudah tu, pamain nan jadi akan manyabuik ciek angka. Pamain nan babaris jo berada pada urutan angka nan disabuik akan jadi.