Pamainan Sekerung

Apo itu pamainan sekerung?

Sekerung adolah pamainan rakyat daerah Bengkulu, yang asal katonyo adolah kerungan atau dalam bahaso Indonesian adolah lingkaran. jadi pamainan iko hanyo dilakuan pado ciek lingkaran diateh tanah. Pamainan iko indak ado hubungannyo jo peristiwa tatantu atau nilai-nilai adaiak maupun magis lainnyo, pamainan iko biasonyo dimainkan dek anak-anak sapulang sikolah dan saaik pagi wakatu libur, dan hari indak hujan. karano pamainan iko dimainkan dihalam rumah atau tampek nan lapang.

Pamainan iko alah ado sajak zaman panjajajan tempo dulu, dan bakambang sampai kini dan masih disukoi. adopun paraturannyo indak mangalami parubahan. Pamainan iko dimainkan dek anak laki-laki ataupun padusi, umua pamainnyo antaro umua 7 tahun sampai jo umua 13 tahun, jumlah pamainnyo minimal 2 urang dan maksimalnyo indak ado tapi biasonyo dimainkan dek 5 atau 6 urang, samakin banyak pamainnyo samakin lueh tampek diparaluannyo.

Manfaat pamainan:

• pamainan iko maajaan pamain untuak bakarajo dangan takun dan hati-hati
• barusaha samaksimal mungkin untuak mancapai keberhasilan
• baraja manganalisa dan bisa mambedakan kebenaran jo mampaketek kasalahan
• baraja disiplin, karano ado paraturan nan harus diikuti
• untuak menyalurkan kreativitas dan mangisi wakatu luang

Pakakeh bamain:

• pacahan pinggan porselin, ukurannyo nan agak gadang saukuran 1 - 2 cm
• satiok pamain manyadioan ciek bilah atau sapotang bambu sagadang kalingkiang dan ujuangnyo dirunciangan, sahinggo bisa ditancapkan ka tanah
• dimainkan di tanah data indak babatu indak balumpur, biasonyo di halam rumah

Aturan bamain

• anak-anak bakumpua ditampek nan alah ditantuan,
• masiang-masiang pamain punyo pacahan piriang porselin atau disabuik ameh-ameh
• mambuek garih pamainan atau arena pamainan,
• panjalehan arena pamainannyo,
  1. buek garih ampek pasagi satiok suduik ditandoi jo huruf GHIJ, GHIJ adolah garih lua atau bateh arena pamainan
  2. di dalam pasagi ampek tu, masiang-masiang pamain mambuek lingkaran, saaik mambuek lingkaran tasabuik, posisi sadoalah pamain saliang mambalakangi.
  3. buek garih X sabagai titiak tangah arena pamainan
  4. Apabila masing-masing pemain telah siap dengan emas-emasnya dan sepotong belahan bambu yahg panjangnya lebih kurang 30 Cm, mereka ber- . kumpul pada pertengahan arena pemainan.ca

Caro bamain

• Apobilo masiang-masiang pamain alah siap jo ameh-amehnyo dan sabilah bambu yang panjangnyo labiah kurang 30cm, dan bakumpua ditangah arena pamainan
• sadoalah pamain manuju ka lingkaran-lingkran yang alah ado di denah
• satalah sadonyo alah di tapi arena pamainan, masiang-masiang pamain mambuek lingkaran ketek, yang baukuran kiro kiro punyo garih sapanjang 40 cm
• garis ampek pasagi GHIJ. labiah lurang luehnyo 10 meter x 10 meter
• di dalam lingkaran yang bagarih manangah 40 cm tasabuik, masiang-masiang pamain mancukia tanah dan lamgsuang mamasuakan ciek buah amehnyo, sabagai salah ciek teknis mamasuakan ameh-ameh iko, dipakiroan bakeh mamasuakan ameh-ameh tasabuik dapek dikenali dek lawan. malahan bagi anak anak yang cadiak, bakeh-bakeh lobang dipabanyak untuak lawan yang lain manjadi binguang mancari ameh-ameh itu.
• mamasuakan ameh-ameh tasabuik harus ka dalam lingkaran atau dilarang dilua lingkaran. kalau tampek mamasuakan ameh-ameh di lua lingkaran, mako pamain yang basangkuikan harus mambayia dando sagadang 1 buah ameh kapado lawannyo.
• dalam panjalehannyo, misalkan jumlah pamain 6 urang, sasuai dalam denah, bahwa pamain dimisalkan A,B,C,D,E,F. dalam pamainan A diagiah kesempatan untuak macari ameh-ameh B,C,D,E,F dan apobilo dalam sakali cukia A dapek manamuan ameh-ameh lawannyo, mako ameh-ameh tasabuik adolah manjadi punyo A atau sabagai kamanangannyo
• Baitu pulo giliran B dan salanjuiknyo
• pamain hanyo buliah mancari ameh-ameh tu jo sakali cukia kalai misal indak basobok bararti dinyatoan gagal
• pamainan iko cukuik asik dan wakatu bamain agak lamo