Pamainan Sekacak

Apo itu pamainan sekacak?

Pamainan sekacak adolah salah satu pamainan tradisional nan dimainkan dek anak-anak di Kabupaten Lingga. Diagiah namo sekacak karano pamainan iko mamakai buah sekacak sabagai alaik utamo. Di daerah lain ado juo pamainan ko tapi jo namo nan lain karano ado nan indak mamakai buah sekacak tapi malah mamakai tutuik boto limau. Pamainan iko dapek dimainkan dek anak laki-laki jo anak padusi, dapek dimainkan surang-surang atau basamo-samo.

Pakakeh nan digunoan dalam pamainan

Pakakeh utamonyo adolah buah sekacak, sudah tu tali nan labiah kurang panjangnyo 50 cm. Salanjuiknyo, awak paralu pisau, guntiang, palu nan ketek, atau batu.

Caro bamain

Sasudah alat jo bahan-bahan dikumpuakan, mako dirakit manjadi benda nan ka dimainkan. Buah sekcak ko dulu dibarasiahan dan digiliang. Sudah tu dibuek lubang di tangahnyo. Salanjuiknyo, tali dibuek malalui lubang tu. Duo ujuang tali tu dikabek basamo-samo. Sasudah salasai, tangan kida jo tangan kida mamacik kaduo ujuang tali. Kaduo tangan taruih manaruih manarik jo malapehan sampai buah atau tutuik botol nan digunoan di tangah tali baputa. Kacapatan putaran buah sekacak mangikuti tarikan jo palapehan tangan pamain. Pamainan ko biasonyo bisa dimainkan dalam patandiangan antaro kawan-kawan untuak mancaliak sia nan bisa mamuta buah sekacak paliang capek jo paliang lamo.

Wakatu pamainan

Pamainan ko biasonyo dimainkan pado wakatu luang. Bisa dimainkan pagi, sore, atau sanjo.

Tampek pamainan

Pamainan acak ko bisa dimainkan di rumah dan bisa juo dimainkan di teras.

Manfaat

Pamainan ko adolah pamainan nan baguno sabagai hiburan untuak maisi wakatu luang anak-anak. Salain dari itu, pamainan ko dapek juo dikatoan sabagai pamentasan bagi anak-anak untuak manguasoi kaahliannyo dalam bamain secak sarato dapek pulo manambah kreativitas anak-anak.